ءماجىلىس جۋرناليستەرگە ارنالعان سىيلىققا ءوتىنىش قابىلداۋدى باستادى

بۇل جايىندا ءماجىلىستىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
جۋرناليستەرگە ارنالعان ارنايى پارلامەنتتىك سىيلىق 2016-جىلى پالاتا سپيكەرى نۇرلان نىعماتۋليننىڭ ءتوراعالىق ەتۋىمەن ءماجىلىس بيۋروسىنىڭ شەشىمى بويىنشا تاعايىندالعان بولاتىن. اتاۋلى سىيلىققا پالاتانىڭ زاڭ شىعارۋشىلىق قىزمەتى جايىندا 2017-جىلدىڭ 1- قىركۇيەگى مەن 2018-جىلدىڭ 14- ماۋسىمى ارالىعىندا جازىلعان جانە جارىق كورگەن ماتەريالدار قابىلدانادى.
جەڭىمپازدار التى اتالىم - ءماجىلىستىڭ قىزمەتى تۋرالى ۇزدىك تەليەۆيزيالىق، مەرزىمدىك باسپا ءسوز، عالامتور مەن راديو ماتەريالدار، سونىمەن بىرگە، فوتو جانە بەينە-ماتەريالدار بويىنشا انىقتالادى. سونداي-اق، قازاقستان پارلامەنتتىك جۋرناليستيكاسىنىڭ دامۋى مەن وركەندەۋىنە ۇلەس قوسقاندار دا ەسكەرىلەتىن بولادى. سىيلىققا ۇمىتكەرلەردى بۇقارالىق اقپارات قۇرالدارىنىڭ باسشىلارى، شىعارماشىلىق وداقتار، قوعامدىق بىرلەستىكتەر ۇسىنادى. سونىمەن قاتار، بۇل بايگەگە جۋرناليستەر ءوزىن ءوزى ۇسىنۋ ارقىلى دا قاتىسا الادى.
وتىنىمدەر 2018-جىلدىڭ 15- ماۋسىمىنا دەيىن قابىلدانادى. جەڭىمپازدار بايلانىس جانە ا ق- پا¬ر ا ت قىزمەتكەرلەرىنىڭ كۇنى قارساڭىندا جاريالانادى.
قوسىمشا اقپاراتتى ءماجىلىستىڭ parlam.kz رەسمي سايتىنان الۋعا بولادى.
اۆتور: مارلان جيەمباي