07:37, 11 - مامىر 2018 | GMT +5
امەريكالىق كلۋب قازاقستاندىق حوككەيشىنى تاڭدادى
استانا. قازاقپارات - قازاقستاننىڭ جاس وسپىرىمدەر قۇراما كومانداسىنىڭ شابۋىلشىسى ۆلاديسلاۆ سايكونى ا ق ش حوككەي ليگاسىنىڭ درافتىندا ( درافت - كاسىبي كوماندالار بۇرىن ليگاداعى كوماندادا ويناماعان سپورتشىنى تاڭداۋ ءراسىمى) «دە-موين باككەنيرس» كلۋبى تاڭدادى، دەپ حابارلايدى قازاقپارات ۇ و ك سايتىنا سىلتەمە جاساپ.

بيىلعى ماۋسىمدا 17 جاستاعى سپورتشى «استانا» جانە «قۇلاگەر» كوماندالارىنىڭ قۇرامىندا قازاقستان چەمپيوناتىندا 36 كەزدەسۋ وتكىزىپ 4 شايبا سوعىپ، 5 رەت ناتيجەلى پاس شىعارعان.
ريگادا وتكەن جاس وسپىرىمدەر اراسىنداعى الەم چەمپيوناتىندا 5 كەزدەسۋگە قاتىسىپ، ەكى شايبا سوعىپ، ءبىر رەت ناتيجەلى پاس شىعارعان.
بۇعان دەيىن ساتبايەۆ قالاسىنىڭ «قازاقمىس» كومانداسىنىڭ تاربيەلەنۋشىسى فينليانديادا ويناعان.
ەستەرىڭىزگە سالا كەتەيىك ا ق ش حوككەي ليگاسىندا استانا قالاسىنىڭ تاربيەلەنۋشىسى كيريلل پانيۋكوۆ ونەر كورسەتەدى.