الەمدەگى ەڭ ۇزىن كوپىر قۇرىلىسى باستالدى

استانا. قازاقپارات - گونكونگ(شياڭگاڭ)- جۋحاي- ماكاو(اۋمىن) كوپىرى دەلتا تەڭىزىنىڭ ەكى جاعالاۋىن بىرىكتىرۋ ماقساتىندا سالىنۋدا.
None
None

ونىڭ قۇنى -  20 ميلليارد دوللار، ال ۇزىندىعى -  55 شاقىرىم. بۇل تۋرالى Baq.kz اقپارات اگەنتتىگى CNN باسىلىمىنا سىلتەمە جاساپ حابارلايدى.

گونكونگتا سالىنىپ جاتقان الەمدەگى ەڭ ۇزىن تەڭىز كوپىرى جوباسىنىڭ ديرەكتورى گۋو حينگلين قۇرىلىسشىلار تەڭىز بەتىنەن بيىك جەرلەردە، اسا قاۋىپتى ايماقتاردا كوپىر قۇرىلىسىن سالىپ جاتىر دەيدى. بۇل كوپىر قىتايدىڭ ەڭ ءىرى قالالارى گونكونگ پەن ماكاونى ءبىر- بىرىمەن بايلانىستىرادى.

2003 -جىلى العاش رەت وسى كوپىردىڭ قۇرىلىسى ۇسىنىلعان كەزدە، كوپتەگەن شەنەۋنىكتەر وعان قارسى شىققان بولاتىن. دەگەنمەن، كەيىننەن قىتاي ۇكىمەتىنەن بۇل كوپىر قۇرىلىسى قولداۋ تاپتى. رەكوردتى مەگاقۇرىلىس - قىتايدىڭ گەوساياسي قۇلشىنىسى مەن ەل حالقىنىڭ ەڭبەكقورلىعىن بىلدىرەدى دەيدى تۇرعىنداردىڭ وزدەرى.

ال ساراپشىلار بۇل كوپىر ارقىلى قىتاي ءوز بيلىگىن نىعايتادى دەپ بولجاۋدا. ويتكەنى، وڭتۇستىك قىتاي تەڭىزىندەگى داۋلى ايماققا گونكونگ، تايۆان جانە پەكيننىڭ تالاسىپ وتىرعانى كوپكە ءمالىم. سىنشىلار بۇل جوبا ەكولوگيالىق جانە ادامي فاكتورلارعا كەرى اسەر ەتەدى دەيدى.

گونكونگ- جۋحاي- ماكاو كوپىرى قىتاي ۇكىمەتىنىڭ ايتۋىنشا، سان- فرانسيسكو، نيۋ-يورك جانە توكيوداعى كوپىرلەرمەن باسەكەگە تۇسە الادى. ويتكەنى، ونىڭ تەحنولوگيالىق يننوۆاتسياسى مەن ەكونوميكالىق ءساتتى سالىنىپ جاتقانىن ساراپشىلار العا تارتۋدا.

گونكونگتاعى كوممەرتسيالىق جىلجىمايتىن مۇلىك زەرتتەۋ ورتالىعىنىڭ جەتەكشىسى ماركوس چان اتالعان ايماق ديناميكالىق جانە ەكونوميكالىق جاعىنان دامۋدا دەيدى. «كوپىر سالىنىپ جاتقان شىعاناق قىتاي تەرريتورياسىنىڭ 1 پايىزىن قۇرايدى، ال حالىقتىڭ 5 پايىزى وسى جەردى مەكەن ەتەدى. قىتاي جالپى ىشكى ءونىمىنىڭ 12 پايىزىن وسى ايماقتا وندىرەدى. الەمنىڭ بارلىق مەملەكەتتەرىمەن سالىستىرعاندا، شىعاناق ايماعى ەكونوميكالىق دامۋى جاعىنان 11-ورىنعا يە» دەدى ماركوس چان.

بۇل كوپىردىڭ تەز ارادا سالىنىپ بىتپەۋىنە بىرنەشە ماسەلە كەدەرگى بولدى. سونىڭ ءبىرى - اتالعان ايماقتا ءۇش مەملەكەتتىڭ شەكاراسى تىركەلگەن. ولار: گونكونگ/قىتاي؛ ماكاو/قىتاي؛ گونكونگ/ماكاو. ءۇش مەملەكەتتىڭ قۇقىقتىق جۇيەسى مەن ۆاليۋتاسى ءار ءتۇرلى. تۇرعىنداردىڭ ءتولقۇجاتتارى مەن جەكە كۋالىكتەرى دە سايكەس ەمەس. سونداي-اق ءۇش مەملەكەت تۇرعىندارى ەكى ءار ءتۇرلى ءتىلدى قولدانادى (كانتون جانە ماندارين ءتىلى).

«باسقا مەملەكەتتەردەگى ءىرى كوپىرلەرمەن باسەكەگە ءتۇسۋ ءۇشىن قىتاي ۇكىمەتى اتالعان ماسەلەلەر مەن كەدەرگىلەردى جويۋى قاجەت. قالالار اراسىنداعى ينتەگراتسيانىڭ دامۋىنا ىقپال ەتۋى ءتيىس» - دەدى چان.

كوپىر اتالعان ءۇش قالا اراسىنداعى كولىك قاتىناسىن 3 ساعاتتان 30 مينۋتقا دەيىن قىسقارتادى. چاننىڭ ايتۋىنشا، كوپىردىڭ ەكى بەتىندەگى قالالاردىڭ ەكونوميكالىق جاعدايى ءبىر-بىرىنە ساي ەمەس. «گونكونگ، شىنجىن جانە دۋڭگۋان قالالارى شىعىستا ورنالاسقان. ولار باتىستاعى جۋحاي، جيانمەن، جۋنشان قالالارىنا قاراعاندا دامىعان» دەيدى چان.

ساراپشىلاردىڭ ءبىر توبى بۇل كوپىر قۇرىلىسى اياقتالعان سوڭ، تاۋار تاسىمالى جۇيەسى جەڭىلدەپ، گونكونگ حالىقارالىق اۋەجايى الەمدەگى ەڭ كوپ جۇك تاسىمالدايتىن اۋەجاي ستاتۋسىنان ايىرىلادى دەپ بولجاپ وتىر.

كوپىر سونداي-اق ءتۋريزمدى دامىتادى دەپ بولجانۋدا. ويتكەنى، كوپىر اشىلعان سوڭ تۋريستەر گونكونگ اۋەجايىنان ماكاوعا 45 مينۋتتا جەتە الادى. سونداي-اق جولدا دەلتا وزەنىن تاماشالاپ، قىتاي ءتۋريزمىن دامىتادى دەپ سەنەدى.

ال ساراپشىلاردىڭ ەكىنشى توبى «كوپىر - بوسقا اقشا شاشۋ جولى» دەپ باعا بەردى. تاۋەلسىز ساراپشى كلاۋديا مو گونكونگتىڭ دەموكراتياسىن قولدايدى. «قىتاي مەن گونكونگتى بايلانىستىرۋ ءۇشىن اۋە، تەڭىز جانە قۇرلىق بايلانىس جۇيەسى بۇرىننان بار. قوسىمشا جوبانىڭ نە قاجەتى بار؟» دەيدى مو.

بۇل ساراپشىلار توبى كوپىردىڭ ساياسي اكت قانا بولعانىن ايتۋدا. گونكونگتاعى 2014 -جىلعى دەموكراتيالىق كوتەرىلىستەردەن سوڭ، پەكين ءوز بيلىگىن كۇشەيتۋ ءۇشىن كوپىر قۇرىلىسىنا رۇقسات بەردى دەيدى. «گونكونگ جارىلۋعا جاقىن قالدى. ۇلىبريتانيادان دا كوپ تۋريستەردى قابىلداپ جاتىر. 2016 -جىلى 56,7 ميلليون تۋريست كەلگەن بولاتىن. ال ۇلى بريتانيانى بار بولعانى 37,6 ميلليون شەتەلدىك ازامات ارالاپ قايتقان. سوندىقتان كوپىر قۇرىلىسىنا مۇقتاج ەمەسپىز» دەدى مو.

ايتا كەتەرلىگى، كوپىر قۇرىلىسىنىڭ قاراجاتىن ءۇش ايماقتىق ۇكىمەت ءوز مويىندارىنا العان. دەگەنمەن، قاراجاتتىڭ ەڭ كوپ بولىگىن گونكونگ بيلىگى بولگەن.

كوپىر قۇرىلىسى بىرنەشە ايدان كەيىن اياقتالادى. بۇل كوپىر ارقىلى جۇرەتىن اۆتوكولىكتەر ساعاتىنا 100 شاقىرىم جىلدامدىقتى ساقتاۋى ءتيىس.









سوڭعى جاڭالىقتار