تۇڭعىش تەڭگە ديزاينىن جاساعان اۆتورلاردىڭ ءبىرى تيمۋر سۇلەيمەنوۆ قايتىس بولدى

قازانى ساۋلەت جانە قالا قۇرىلىسى باسقارماسىنىڭ باسشىسىنىڭ ورىنباسارى الماسحان احمەتجانوۆ راستادى. تيمۋر سۇلەيمەنوۆتىڭ دەرتتەن 10 -مامىردا تاڭعى ۋاقىتتا دۇنيەدەن وتكەنى انىقتالدى. تيمۋر بيماش ۇلى سۇلەيمەنوۆ قازاقستان ديزاينەرلەر وداعىنىڭ جەتەكشىسى بولعان. الماتىنىڭ قالا قۇرىلىسى كەڭەسىنىڭ قۇرامىنا ەنگەن. تيمۋر بيماش ۇلى سۇلەيمەنوۆ - 1943 -جىلى 14 -اقپاندا وڭتۇستىك قازاقستان وبلىسىنىڭ قارابۇلاق اۋىلىندا تۋعان. لەنينگراد قۇرىلىس- ينجەنەرلىك ينستيتۋتىن (1965)؛ ۆ. ي. لەنين اتىنداعى قازاق پوليتەحنيكالىق ينستيتۋتىن (1970) بىتىرگەن، ساۋلەتشى. قازاق باس ساۋلەت- قۇرىلىس اكادەمياسىنىڭ قۇرمەتتى پروفەسسورى. حالىقارالىق ونەر اكادەمياسىنىڭ اكادەميگى.
ق ر كوركەمونەر اكادەمياسىنىڭ قۇرمەتتى اكادەميگى. قازاقستاندىق ديزاين مەكتەبىنىڭ نەگىزىن سالۋشى. الماتى وبلىسىنداعى «چەركاسسك قورعانىسىنىڭ باتىرلارىنا» مەموريالدىق كەشەنىنىڭ؛ تۇركىستان قالاسىن قايتا قۇرۋ جانە تاريحي- مادەني تۋريستىك ورتالىققا اينالدىرۋ جوباسىنىڭ اۆتورى. شىمكەنت جانە جاناتاس قالالارىن سالۋدىڭ باس جوسپارلارىن ازىرلەۋگە، تۇركىستان قالاسىنىڭ تاريحي ايماعىن قالپىنا كەلتىرۋگە، ق. ا. يااسساۋي كەسەنەسى اينالاسىنداعى تاريحي ايماقتى قايتا قۇرۋ جوباسىنا قاتىسقان.
«ق ر رەسپۋبليكالىق ءستيلى» كەشەندى مەملەكەتتىك ديزاين- باعدارلاماسىنىڭ باستاۋشىسى؛ ۇلتتىق ۆاليۋتا ديزاينىن جاساۋ، بەينەلەمەنى جوبالاۋ، رەسپۋبليكالىق گۆارديانىڭ سالتاناتتى جانە كۇندەلىكتى كيىم تۇرلەرىن جوبالاۋ، ق ر قارۋلى كۇشتەرى ديزاين- باعدارلامالارىن جاساۋ، ت. ب. توپتارىنىڭ جەتەكشىسى. استانا قالاسىنداعى ساياسي قۋعىن- سۇرگىن قۇرباندارىنا ارنالعان مەموريالدىڭ جانە «اتامەكەن» ەتنو-مەموريالدىق ساياباعىنىڭ، اڭىراقاي شايقاسىنداعى قازاق حالقىنىڭ جوڭعارلاردى جەڭۋىنە ارنالعان مونۋمەنتتىڭ تەڭ اۆتورى؛ ماسكەۋ قالاسىنداعى ابايعا ەسكەرتكىشتىڭ اۆتورى جانە ونى سالعان ۇجىمنىڭ جەتەكشىسى. تالدىقورعان ورتالىعىن، اقتاۋ قالاسىنداعى ءبىرقاتار وبەكتىلەردى قايتا قۇرۋدى باسقارعان. الماتى جانە استانا قالالارى ديزاين- باعدارلامالارىنىڭ جەتەكشىسى. استانا جانە الماتى قالالارىنىڭ ورتالىقتارىن دامىتۋ جوبالارىنىڭ اۆتورى.
ءبىرقاتار كىتاپتار ديزاينىنىڭ اۆتورى. 1959 -جىلدان - ءارقيلى قاراپايىم جۇمىستاردى اتقارعان. 1965 -جىلدان - «قاز قالاقۇرىلىس جوبالاۋ» جوبالاۋ ينستيتۋتىنىڭ ساۋلەتشىسى، الماتى قالاسى كالينين اۋدانىنىڭ باس ساۋلەتشىسى. 1968 -جىلدان - «المااتاگيپروگور» ينستيتۋتىندا ساۋلەتشىلەر توبىنىڭ جەتەكشىسى، «قازقالاقۇرىلىسجوبالاۋ» ينستيتۋتىنىڭ جوبالار بويىنشا باس ساۋلەتشىسى. 1982 -جىلدان - قازاقستاننىڭ كوركەمدىك قورىنىڭ باس سۋرەتشىسى، قالالىق ورتانىڭ ديزاينى شەبەرحاناسىنىڭ جەتەكشىسى. 1987 -جىلدان - «قازاقستان ديزاينەرلەر وداعى» ر ق ب- نىڭ نەگىزىن سالۋشى، پرەزيدەنتى.
«دارت» شىعارماشىلىق- وندىرىستىك كاسىپورنىنىڭ ديرەكتورى. ق ر جوعارعى كەڭەسى 12- شاقىرىلىمىنىڭ دەپۋتاتى. «بايتەرەك» رەسپۋبليكالىق سىيلىعىنىڭ لاۋرەاتى. «پاراسات» (2005) وردەنىمەن؛ «استانا» (1998)، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001)، «قازاقستان كونستيتۋتسياسىنا 10 جىل» (2005)، «قازاقستان پارلامەنتىنە 10 جىل» (2006) مەدالدارىمەن ماراپاتتالعان. ق ر ەڭبەك سىڭىرگەن ونەر قايراتكەرى. ق ر قۇرمەتتى ساۋلەتشىسى.