قازاقستاندىقتار بەيجىڭدە مەرەكەلىك شەرۋگە قاتىستى

«جاۋىنگەرلىك پولك» تىزبەگىنىڭ قۇرامىندا 400 دەن استام ادام بولدى. ولار سوعىس جانە تىل ارداگەرلەرىنىڭ سۋرەتتەرىن الىپ ءجۇردى. كەيىن ءىس-شاراعا قاتىسۋشىلار اسپانعا راۋشان گۇلىنىڭ جاپىراعىنان وتشاشۋ جىبەردى.
بەيجىڭدەگى «جاۋىنگەرلىك پولك» شەرۋىنە رەسەي، قىتاي، قازاقستان، قىرعىزستان، تاجىكستان جانە باسقا دا ەلدەردىڭ ازاماتتارى قاتىستى.
15 جاستاعى رامازان سارسەننىڭ بابالارى ماكەنوۆ سەرالى مەن جاقسىمبەك ۋنچيبايەۆ مايدانعا اتتانىپ، وتان ءۇشىن جاۋعا قارسى سوعىسقان.
ونىڭ ناعاشى اتاسىنىڭ اكەسى تۇرسىن بالاپانوۆ (1914-1978) - «ەڭبەك ارداگەرى» بولعان. ەكىنشى دۇنيەجۇزىلىك سوعىس جىلدارىندا قىزىلوردا وبلىسى جالاعاش اۋدانى الامەسەك كەنتىندە بريگادير، شەبەرحانا مەڭگەرۋشىسى جانە مەحانيك بولىپ جۇمىس ىستەگەن. كەيىن سىرداريا اۋدانى اقجارما كەنتىندە كۇرىش وسىرۋمەن اينالىسقان.
«بابام بەيبىت ۋاقىتتا باتىرلىق جاسادى. تراكتور سىردارياداعى مۇزدىڭ استىنا كەتكەندە، وعان ارقان بايلاپ شىعارعان. سىردارياداعى مۇزدىڭ استىندا 20 مينۋت بويى بولعان»، - دەدى قازاقپاراتقا بەرگەن سۇحباتىندا ر. سارسەن.
ت. بالاپانوۆتىڭ ءومىرى مەن باتىرلىعى اسقار توقماعامبەتوۆتىڭ «مۇزبالاق» پوەماسىندا سيپاتتالعان.