07:51, 10 - مامىر 2018 | GMT +5
سەرىك ساپيەۆ ءبىر كەزدەرى الەم چەمپيونى اتانۋىنا كەدەرگى بولعان بوكسشىمەن كەزدەستى
استانا. قازاقپارات - بوكستان وليمپيادا چەمپيونى، ق ر پارلامەنتى ءماجىلىسىنىڭ دەپۋتاتى سەرىك ساپيەۆ گولليۆۋدتا ۋكرايندىق بوكسشى، اۋەسقويلار مەن كاسىپقويلار اراسىندا الەم چەمپيونى تاراس شەلەستيۋكپەن كەزدەستى، دەپ حابارلايدى قازاقپارات «SPORTINFORM» س ا ا- عا سىلتەمە جاساپ.

س. ساپيەۆ ءوزىنىڭ ينستاگرامداعى پاراقشاسىندا ا ق ش- قا جاساعان تۋرنەسىنەن شەلەستيۋكپەن بىرگە تۇسكەن سۋرەتىن جاريالادى.
«رينگتەگى قارسىلاسىممەن، ومىردەگى دوسىممەن. With friend» ، - دەپ جازدى سەرىك سۋرەتتىڭ استىنا.
تاراس شەلەستيۋك سەرىك ساپيەۆتى باكۋدەگى الەم چەمپيوناتى - 2011 فينالىندا قازاقستاندىقتى جەڭىپ، ونىڭ ءۇش دۇركىن الەم چەمپيونى بولۋىنا مۇمكىندىك بەرمەگەن ەدى. قازىر ۋكراينالىق بوكسشى كاسىبي بوكستا باعىن سىناپ ءجۇر. ول WBO NABO تيتۋلىن يەلەندى.