استانالىق «ارلانداردىڭ» جارتىلاي فينالىنداعى ايقاساتىن ورىندارى انىقتالدى

استانا. قازاقپارات - WSB جوباسى اياسىندا ونەر كورسەتەتىن «استانا ارلاندارى» مەن «British Lionhearts» جەكپە-جەگىنىڭ جارتىلاي فينالىنداعى ايقاستاردىڭ وتەتىن ورىنى بەلگىلى بولدى، دەپ حابارلايدى قازاقپارات ءتىلشىسى.
None
None

«ارلاندار» جارتىلاي فينالداعى العاشقى كەزدەسۋىن 17- مامىر كۇنى انگليانىڭ شەففيلد قالاسىنداعى Ponds Forge International ورتالىعىندا، ەكىنشى قارىمتا ايقاسىن 26- مامىردا اتىراۋداعى «جايىق» سپورت كەشەنىندە وتكىزەدى.

ەستەرىڭىزگە سالا كەتەيىك، «استانا ارلاندارى» وسىعان دەيىن بۇكىل الەمدىك بوكس سەرياسىن ءۇش رەت جەڭىپ العان بولاتىن. مۇنداي جەتىستىككە ءالى ەشبىر كوماندا قول جەتكىزىپ كورگەن ەمەس.

وتانداستارىمىز العاشقى چەمپيوندىق اتاققا 2013-جىلى ەنشىلەدى، ەكىنشى رەت اراعا ءبىر جىل سالىپ، 2015-جىلى تاعى دا باس جۇلدەنى قانجىعاسىنا بايلادى. ال ءۇشىنشى رەت وتكەن 2017-جىلى تاعى دا جەڭىسىن تويلادى. سونداي-اق، 2011-جىلى ەكىنشى ورىنعا، 2012، 2014 جانە 2016-جىلدارى ۇزدىك ءۇشىنشى ورىندارعا قول جەتكىزدى. مىنە، بيىل تاعى دا جارتىلاي فينالعا شىعىپ وتىر.

اۆتور: كۇنسۇلتان وتارباي

سوڭعى جاڭالىقتار