گەننادي گولوۆكين مەن ۆانەس مارتيروتسياننىڭ جەكپە- جەگى باستالدى

استانا. قازاقپارات - گەننادي گولوۆكين (37-0-1، 33 ك و) مەن ۆانەس مارتيروتسياننىڭ (36-3-1، 21 ك و) جەكپە- جەگى باستالدى، دەپ حابارلايدى قازاقپارات.
None
None

اتاپ ايتقاندا، « Qazaqstan» جانە « Qazsport» تەلەارنالارىنان گولوۆكيننىڭ كارسونداعى (اقش، كاليفورنيا شتاتى) StubHub Center ارەناسىندا ءوتىپ جاتقان جەكپە- جەگى كورسەتىلۋدە.

بۇگىن گولوۆكين الۆارەستىڭ ورنىنا امەريكالىق ۆانەس مارتيروتسيانمەن جۇدىرىقتاسىپ جاتىر. ۆ. مارتيروتسياننىڭ ۇلتى - ارميان. ءبىراق جەتى جاسىنان باستاپ ا ق ش- تا تۇرادى. جاسى 31-دە. كاسىبي بوكستا 40 جەكپە-جەك وتكىزىپ، 36 رەت جەڭىسكە جەتتى. ءۇش ايقاستا ۇتىلدى. ءبىر مارتە تەڭ ءتۇستى. سوڭعى رەت مارتيروتسيان ەكى جىل بۇرىن بوكستاسقان بولاتىن. سول كەزدە ول تورەشىلەردىڭ شەشىمى بويىنشا ەريسلاندي لارادان جەڭىلگەن ەدى.

بۇعان دەيىن حابارلانعانداي، قازاقستاندىق بىلعارى قولعاپ شەبەرى گەننادي مەن دوپينگ داۋىنا ىلىككەن مەكسيكالىق ساۋل «كانەلو» الۆارەس (49-1-2، 34 ك و) اراسىنداعى بيىلعى مامىرعا بەلگىلەنگەن ريەۆانشتىڭ بولمايتىندىعى بەلگىلى بولدى.

ياعني الۆارەستەن الىنعان دوپينگ سىنامالاردىڭ بىرىنەن تىيىم سالىنعان پرەپارات تابىلدى. وسىعان وراي ءساۋىر ايىنىڭ ورتا كەزىندە  ا ق ش- تىڭ نيەۆادا شتاتى اتلەتيكالىق كوميستسياسىنىڭ شەشىمىمەن مەكسيكالىق بوكسشى ساۋل الۆارەس دوپينگ قولدانعانى ءۇشىن التى ايعا سپورتتان شەتتەتىلدى.

جازانىڭ مەرزىمى اقپاننىڭ 17-سىنەن باستاپ ەسەپتەلەدى. سەبەبى ءدال سول كۇنى ساۋل الۆارەستىڭ العاشقى سىناماسىنان « كلەنبۋتەرول» اتتى دوپينگ تابىلدى. ەكى كۇننەن كەيىنگى سىناما دا وڭ ناتيجە كورسەتكەن ەدى. ودان كەيىنگىلەرى تازا بولىپ شىقتى. وسىلايشا، «كانەلو» 17 -تامىزعا دەيىن بارلىق جەكپە-جەكتەردەن شەتتەتىلىپ وتىر.

سودان كەيىن، ورتا سالماقتاعى WBA Super، WBC، IBF جانە IBO بەلبەۋلەرىنىڭ يەگەرى گەنناديي گولوۆكين 5 -مامىردا ۆانەس مارتيروتسيانمەن كەزدەسەتىنىن رەسمي تۇردە جاريالادى.

 

سوڭعى جاڭالىقتار