بۇگىن سولتۇستىك پەن وڭتۇستىك كورەيا ۋاقىت تەڭەستىردى
«ك ح د ر جوعارعى حالىق كەڭەسى پرەزيديۋىمىنىڭ جارلىعى بويىنشا، پحەنيان ۋاقىتى 5 -مامىردان باستاپ رەسمي وزگەردى»، - دەلىنگەن حابارلامادا. كوتا-نىڭ حابارلاۋىنشا، بۇل العاشقى پراكتيكالىق شارا «ۇلتتىڭ تاتۋلاسۋى مەن بىرىگۋىنە، وڭتۇستىك پەن سولتۇستىكتىڭ كەلىسىمگە كەلۋىنە قول جەتكىزۋ ءۇشىن» جاسالدى.
مۇنىڭ الدىندا ەكى ەل شەكاراسىنداعى كوپ جىلدار اۋديوۇگىت جۇرگىزىلىپ كەلگەن داۋىس كۇشەيتكىشتەرى الىپ تاستالاتىنىن حابارلانعان ەدى. سولتۇستىك كورەيانىڭ باسشىسى كيم چەن ىن جانە ونىڭ وڭتۇستىكتەگى ارىپتەسى مۋن چجە ين 27 -ساۋىردە «بەيبىتشىلىك ۇيىندە» ءۇشىنشى كورەيارالىق سامميتىن وتكىزگەن بولاتىن. ەكى ەل باسشىلارى ورتاق دەكلاراتسياعا قول قويىپ، كورەي تۇبەگىنىڭ تولىق دەنۋكلەاريزاتسياسىنا بەتتەۋگە كەلىستى. جىل باسىنان بەرى ەكى ەل اراسىنداعى قاتىناس ايتارلىقتاي جاقسارا ءتۇستى. اقپاندا وتكەن پحەنچحان وليمپياداسىندا ەكى ەل وكىلدەرى ءبىر تۋدى ۇستاپ وتكەن. سونىمەن قاتار، ايەلدەر اراسىندا حوككەيدەن ورتاق كوماندا قۇرالعان بولاتىن.
