14:29, 04 - مامىر 2018 | GMT +5
استانادا ارالاس جەكپە-جەكتەن الاپات ايقاس وتەدى
استانا. قازاقپارات - استانا قالاسىنىڭ «قازاقستان» سپورت سارايىندا 8-12- مامىر ارالىعىندا م م ا ارالاس جەكپە-جەكتەن VI قازاقستان چەمپيوناتى مەن «كوشپەندىلەر ايقاسى- X» كاسىپقوي جەكپە-جەك شەبەرلەرىنىڭ تۋرنيرى وتەدى، دەپ حابارلايدى قازاقپارات ءتىلشىسى.

اتالعان تۋرنيردە باستى جەكپە-جەك ازيا جانە الەم چەمپيونى قازاقستاندىق شاۆكات «نوماد» راحمونوۆ پەن تاجىكستاندىق فايتەر فاريدۋن «تەرميناتور» وديلوۆ كەزدەسۋى بولماق.
جالپى جارىس 14 سالماق دارەجەسى بويىنشا ەرلەر مەن ايەلدەر اراسىندا وتەدى. وندا قازاقستاننىڭ ءار وڭىرىنەن جينالعان ەڭ تاڭداۋلى سپورتشىلار چەمپيوندىق اتاق ءۇشىن سىنعا تۇسەدى. سونىمەن قاتار وزگە ەلدەردەن دە سپورتشىلارى قاتىسادى. اتالعان دودانى «Qazsport» ارناسى تىكەلەي ەفيردە كورسەتەدى.
اۆتور: كۇنسۇلتان وتارباي