بوكس ارگەنتيناداعى جاس وسپىرىمدەردىڭ وليمپيادا ويىندارى باعدارلاماسىندا قالدىرىلدى

استانا. قازاقپارات - حالىقارالىق وليمپيادا كوميتەتى بوكستى ارگەنتيناداعى جاسوسپىرىمدەر وليمپيادا ويىندارى باعدارلاماسىندا قالدىردى. بۇل تۋرالى ازيا بوكس فەدەراتسياسىنىڭ باسپا ءسوز قىزمەتى حابارلادى.
None
None

2018-جىلى جاس وسپىرىمدەر وليمپيادا ويىندارى ءۇشىنشى رەت وتكەلى جاتىر. شارا 6-18- قازان ارالىعىندا بۋەنوس-ايرەستا ۇيىمداستىرىلماق. بۇل 14-18 جاس ارالىعىنداعى سپورتشىلار قاتىساتىن ارنايى وليمپيادا ويىندارى. العاشقى جاس وسپىرىمدەر وليمپيادا ويىندارى 2010-جىلى سينگاپۋردە وتكەن بولاتىن.

«شىنىندا، بۇل بوكستان جاستار قۇراماسى ءۇشىن تابىستى بولدى. ليتسەنزيا تۋرالى ايتار بولساق، ءبىزدىڭ ەل تولىق ليتسەنزيالىق جيناققا يە. ءبىزدىڭ قۇرلىقتان وليمپياداعا 13، سونىڭ ىشىندە 9 ەرلەر جانە 4 ايەلدەر ليتسەنزياسى بولىنگەن. وتكەن ازيا چەمپيوناتىنىڭ قورىتىندىسى بويىنشا، بۇل ليتسەنزياعا قازاقستان، ۆەتنام، ءۇندىستان، تايلاند، وزبەكستان مەملەكەتتەرىنىڭ يە بولعانىن ايتا الامىز»، - دەدى سەرىك قوناقبايەۆ.

بەلگىلى بولعانداي، تايلاندتا وتكەن جاستار اراسىندا بوكستان ازيا چەمپيوناتى قازاقستان ءۇشىن تابىستى وتكەن. ءبىزدىڭ جاس بوكسشىلارىمىز جالپى 10 التىن مەدال، ونىڭ ىشىندە التاۋىن بوزبالالار مەن تورتەۋىن بويجەتكەندەر جەڭىپ الدى. قۇرلىقارالىق بىرىنشىلىكتە ۆەنگرياداعى الەم چەمپيوناتى مەن ارگەنتيناداعى جاس وسىپىرىمدەر وليمپيادا ويىندارىنا ليتسەنزيا ويناتىلدى.

«سوڭعى ۋاقىتتا جاس بوكسشىلارىمىزدىڭ وليمپياداعا قاتىسا ما، الدە قاتىسا الماي قالا ما دەگەن ۋايىم بولدى. سەبەبى حالىقارالىق وليمپيادا كوميتەتىنىڭ بۋەنوس-ايرەستاعى جاس وسپىرىمدەر ويىندارى جانە 2020-جىلعى توكيوداعى وليمپيادا باعدارلامالارىندا بوكستى قالدىرۋ نەمەسە قالدىرماۋ تۋرالى ناقتى ۇستانىمى بولمادى. كەشە كەشكىسىن ارگەنتيناداعى وليمپيادا باعدارلاماسىندا بوكستىڭ قالدىرىلعاندىعى تۋرالى جاقسى جاڭالىق الدىق. جاپونياداعى وليمپيادا ويىندارى بويىنشا ۇستانىمدى ح و ك اتقارۋ كوميتەتى كەيىنىرەك ايتادى»، - دەپ اتاپ ءوتتى سەرىك قوناقبايەۆ.

 

سوڭعى جاڭالىقتار