تاشكەنتتە قازاقستان مەن وزبەكستاننىڭ ىنتىماقتاستىق ماسەلەلەرى تالقىلاندى
قازاقستاندىق ديپلومات پرەزيدەنت نۇرسۇلتان نازاربايەۆتىڭ ء«تورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ نەگىزگى قاعيدالارىن اتاپ ءوتىپ، سۇحباتتاستىڭ نازارىن ءبىزدىڭ ەلىمىزدەگى اۋقىمدى الەۋمەتتىك جوبالاردىڭ ىسكە اسىرىلۋى بويىنشا تۇبەگەيلى شارالاردى بولجايتىن جاڭا بەس باستاماعا اۋداردى.
باۋىرلاس مەملەكەتتەر اراسىنداعى ىنتىماقتاستىقتىڭ ودان ءارى دامۋىنا مىندەتتى تۇردە ۇلەس قوساتىن «وزبەكستاننىڭ قازاقستانداعى جىلى» تۋرالى ءسوز قوزعاي وتىرىپ، ە. وتەمبايەۆ ونى ورتاق ىستەرمەن ودان ءارى تولىقتىرۋ بويىنشا جۇمىستى كۇشەيتۋگە ۇسىنىس ءبىلدىردى.
تاراپتار ايماقتىق ىنتىماقتاستىق ماسەلەلەرىن، سونداي- اق ەكى ەلدىڭ بارلىق وبلىستارى قاتىساتىن اعىمداعى جىلدىڭ كۇزىندە استانادا وتەتىن وڭىرلەر فورۋمىن تالقىلادى.
سونىمەن قاتار، ەلشى باسىم مىندەتتەردىڭ ىشىندە جاستار ساياساتىن كۇشەيتۋ بويىنشا جۇمىستاردى، سونداي-اق جاستار ەكسترەميزمىنىڭ الدىن-الۋ ءۇشىن جۇرگىزىلەتىن جۇمىستاردىڭ ءتيىمدى ادىستەرى مەن نىساندارىن قولدانۋ قاجەتتىلىگىن ەرەكشە اتاپ ءوتتى.
كەزدەسۋ بارىسىندا تاراپتار ەكىجاقتى ماسەلەلەر كەشەنىن دە تولىقتاي تالقىلادى، ونىڭ ىشىندە پارلامەنتارالىق ىنتىماقتاستىق، سونداي-اق «نۇر وتان» پارتياسى مەن وزبەكستاننىڭ ليبەرال-دەموكراتتىق پارتياسى اراسىنداعى قارىم-قاتىناس پەن استانا قالاسىنا ساپار ۇيىمداستىرۋ ماسەلەسى دە قاراستىرىلدى.
ءوز كەزەگىندە، ب. ياكۋبوۆ اتالعان ۇسىنىستاردىڭ بارلىعىن قولدادى، سونداي-اق تۇراقتى ديالوگ ورناتۋ جانە تاجىريبە الماسۋ قاجەتتىلىگىنە نازار اۋدارا وتىرىپ، قازاقستاندىق ارىپتەستەرمەن سەرىكتەستىككە نيەتتى ەكەنىن ءبىلدىردى.
