رەسەيدىڭ تانىمال ءانشىسى ەلەنا ۆوروبەي قازاق تىلىندە ءان شىرقادى
ايتا كەتسەك، 1- حالىقارالىق « باۋىرجان FEST» ءازىل فەستيۆالى قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ قولداۋىمەن 1- مامىر كۇنى استانادا وتكىزىلدى. ازىلمەن كوپتىڭ كوڭىلىن كوتەرگەن كونسەرت الدىندا كورەرمەندەردى مادەنيەت جانە سپورت ءمينيسترى ارىستانبەك مۇحامەدي ۇلى جانە جوبا اۆتورى ق ر ەڭبەك سىڭىرگەن ءارتىسى باۋىرجان يبراگيموۆ 1 -مامىر - بىرلىك كۇنىمەن قۇتتىقتادى.
«وسىنداي اۋقىمدى شارانى ۇيىمداستىرىپ وتىرعان ايگىلى ازاماتىمىز باۋىرجان يبراگيموۆكە مىڭ دا ءبىر العىسىمىزدى ايتقىمىز كەلەدى. بۇگىن دوستارىن شاقىرىپ، بارىمىزگە ادەمى ءازىل كەشىن سىيلاپ وتىر. كەلەشەكتە وسىنداي مەرەكەلى كەشتەر كوپ بولسىن»، - دەدى سويلەگەن سوزىندە ارىستانبەك مۇحامەدي ۇلى.
بۇدان كەيىن ءازىلدىڭ شىمىلدىعى اشىلىپ، «TTТ» ءازىل تەاترىنىڭ ەسترادا ارتىستەرى (قازاقستان)، ماسكەۋدەگى «كريۆوە زەركالو» ءازىل تەاترىنىڭ ونەرپازى كارەن اۆانەسيان (ارمەنيا)، «ەكى ەزۋ» ءازىل تەاترىنىڭ ارتىستەرى (قازاقستان)، رەسەيلىك ايگىلى پارودياشى اندرەي بارينوۆ، جاس دارىندى ازىلكەش وقان اكيما (ق ح ر)، دۋ-دۋ دۋەتى (قازاقستان)، داعىستاندىق ازىلكەش يۋسۋپ وماروۆ، «شانشار» تەاترىنىڭ ەسترادا ارتىستەرى (قازاقستان)، ەسترادا جۇلدىزدارى كۋموندور ابىلوۆ (قىرعىزستان) جانە ءجۇسىپ اقشورا (قازاقستان)، ۋكراينالىق ۆلاديمير دانيلەتس پەن ۆلاديمير مويسەەنكو، «باۋىرجان شوۋ» تەاترىنىڭ ارتىستەرى، رەسەيدىڭ ەڭبەك سىڭىرگەن ءارتىسى ەلەنا ۆوروبەي كورەرمەندى كۇلكىگە قارىق قىلدى.
قايتالانباس كەشكە ق ر سىرتقى ىستەر ءمينيسترى قايرات ءابدىراحمانوۆ، ق ر ەڭبەك سىڭىرگەن قايراتكەرى كوپەن امىربەك، پروفەسسور، اكادەميك بۇركىت اياعان، «حابار» اگەنتتىگى» ا ق باسقارما ءتوراعاسىنىڭ ورىنباسارى رينات كەرتايەۆ، عابيت مۇسىرەپوۆ اتىنداگى جاستار تەاترىنىڭ ديرەكتورى ءسابيت ءابدىحالىقوۆ قوناق رەتىندە قاتىستى.
ايتا كەتسەك، 1- حالىقارالىق « باۋىرجان FEST» ءازىل فەستيۆالى ەرتەڭ الماتى قالاسىندا وتكىزىلەدى.
