دانيار ەلەۋسىنوۆ ءبىر ايدان كەيىن تاعى دا رينگكە شىعادى

استانا. قازاقپارات - قازاقستاندىق بوكسشى دانيار ەلەۋسىنوۆ (1-0، 1 ك و) ءبىر ايدان كەيىن رينگكە شىعادى، دەپ جازادى Sports.kz.

ول 6- ماۋسىم كۇنى لوندونداعى York Hall ورتالىعىندا وتەتىن لوۋرەنس وكولي (8-0، 6 ك و) - ليۋك ۋوتكينس (13-0، 9 ك و) جەكپە-جەگىنىڭ اندەركاردىندا بوكستاسادى.

ەسكە سالا كەتەيىك، بۇعان دەيىن دانيار ەلەۋسىنوۆتىڭ مەنەدجەرى زيا اليەۆ قازاقستاندىق بوكسشىنىنىڭ كاسىبي رينگتەگى كەزەكتى كەزدەسۋى ماۋسىم ايىنىڭ شامامەن 6 سىندا ءوتۋى مۇمكىن ەكەندىگىن ايتقان بولاتىن.

ايتا كەتسەك، دانيار ەلەۋسىنوۆ كاسىبي بوكستاعى العاشقى جەڭىسىنە قول جەتكىزدى. سونداي-اق، ول ءوزىنىڭ دەبيۋتتىك كەزدەسۋى الدىندا سۇحبات بەرىپ، جوسپارلارىمەن بولىسكەن ەدى.