جاۋىن، نايزاعاي، شاڭدى داۋىل - سارسەنبىگە ارنالعان اۋا رايى

استانا. قازاقپارات - «قازگيدرومەت» ر م ك 2- مامىرعا ارنالعان اۋا رايى بولجامىن ۇسىنادى، دەپ حابارلايدى قازاقپارات.

اتموسفەرالىق اۋا اعىنداردىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن، نايزاعاي كۇتىلەدى، وڭتۇستىكتە شاڭدى داۋىل بولادى. كەي جەرلەردە جەلدىڭ كۇشەيۋى، تۇمان كۇتىلەدى.

اقمولا، قوستاناي، پاۆلودار، شىعىس قازاقستان، سولتۇستىك قازاقستان، جامبىل وبلىستارىنىڭ كەي جەرلەرىندە جەل 15-20 م/س كۇشەيىپ، تۇمان تۇسەدى.

شىعىس قازاقستان، سولتۇستىك قازاقستان، جامبىل وبلىستارىندا نايزاعاي بولادى. الماتى، قاراعاندى وبلىستارىندا، كۇندىز باتىس قازاقستان وبلىسىنىڭ، تۇندە اقتوبە وبلىسىنىڭ كەي جەرلەرىندە جەل 15-23 م/س كۇشەيىپ، نايزاعاي وينايدى.

قىزىلوردا وبلىسىنىڭ، كۇندىز وڭتۇستىك قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتىپ، قىزىلوردا وبلىسىندا شاڭدى داۋىل سوعۋى مۇمكىن.