الماتىدا تۋريزمدى دامىتۋعا ارنالعان جارناما ناۋقانى باستالدى
بۇل جارنامالىق ناۋقان نەگىزىنەن قازاقستاننىڭ، ونىڭ ىشىندە الماتىنىڭ تۇرعىندارىنا باعىتتالىپ وتىر. ءساۋىر ايىنىڭ سوڭىنان قالا كوشەلەرىندەگى بيلبوردتارى مەن مەديابوردتارىندا تۇرعىنداردى وتباسىلارىمەن مۋزەيلەرگە، بوتانيكالىق باققا، ۇلكەن الماتى كولىنە، قايىڭدى جانە كولساي كولدەرىنە، «التىن ەمەل» ۇلتتىق پاركىنە ساپارلاپ، تۇرگەننىڭ الما باقتارىن تاماشالاۋ ۇسىنىلادى.
«شارانىڭ العاشقى قادامى الىپ شاھار تۇرعىندارىن قامتىپ، ولارعا ء«وز قالاڭدى جاقسى تانى» دەگەن ۇران تاستالادى. ەكىنشى كەزەكتە ەل تۇرعىندارىنا الماتى ماقتان ەتەتىن مادەني جانە ويىن-ساۋقتىق تۋريزم، بەلسەندى دەمالىس جانە گاستروتۋريزمدى جارنامالايمىز»، - دەيدى، «Visit Almaty» ديرەكتورى كاميلا لۇقپانوۆا.
الماتىدا ءتۋريزمدى دامىتۋعا ارنالعان جارناما ناۋقانى باستالدىاقپاراتتىق ورتالىق الماتى قالاسىن ەكى كۇندە ارالاپ، بارلىق جاۋھارلارىن كورىپ، بەلسەندى تۇردە دەمالۋ يدەياسىن العا تارتىپ وتىر. وسىلاي الماتى قالاسىنىڭ تۇرعىندارى ءوز قالاسىمەن جاقىنىراق تانىسۋعا مۇمكىندىك الماق. «Visit Almaty» تۋريستىك اقپارات ورتالىعى قالالىق سىرتقى بايلانىس جانە تۋريزم باسقارماسى نەگىزىندە قۇرىلعان. ورتالىق قىزمەتكەرلەرى ساياحاتتاۋشىلارعا تۋريستىك باعىتتار مەن ورىندار، قوناقۇيلەر، مەيرامحانالار جانە باسقا دا نىساندار جايلى ءۇش تىلدە تولىق اقپارات بەرىپ، قولداۋ كورسەتىپ كەلەدى.
