ۇلى بريتانيالىق عالىمدار قازاقستاندىق ءبىلىم بەرۋ سالاسىنداعى وزگەرىستەرگە جوعارى باعا بەردى

 استانا. قازاقپارات - ۇلى بريتانيادا «كەمبريدج ۋنيۆەرسيتەتىندەگى نازاربايەۆ زياتكەرلىك مەكتەپتەرىنىڭ كۇندەرى» اياقتالدى.

حالىقارالىق فورۋم زياتكەرلىك مەكتەپتەرىنىڭ ستراتەگيالىق سەرىكتەسى - كەمبريدج ۋنيۆەرسيتەتىنىڭ باستاماسىمەن وتكىزىلدى.

الەمدەگى بەدەلدى وقۋ ورىندارىنىڭ ءبىرى سانالاتىن كەمبريدج ۋنيۆەرسيتەتى قابىرعاسىندا تۇڭعىش رەت قازاقستاندىق مەكتەپتەردىڭ تاجىريبەسى كورسەتىلدى. جيىن بارىسىندا ۇلىبريتانيالىق عالىمدار وتاندىق بەرۋ سالاسىنداعى وزگەرىستەرگە جوعارى باعا بەردى.

«نازاربايەۆ زياتكەرلىك مەكتەپتەرى» د ب ب ۇ باسقارما ءتورايىمى كۇلاش ءشامشيدينوۆانىڭ «Time for Change: 10 years of Nazarbayev Intellectual schools» - «وزگەرىس ۋاقىتى: نازاربايەۆ زياتكەرلىك مەكتەپتەرىنە 10 جىل» تاقىرىبىندا وقىعان ءدارىسى ءبىلىم سالاسىنداعى بەدەلدى عالىمدار مەن ساراپشىلاردىڭ، جوعارى وقۋ ورىندارى وكىلدەرىنىڭ، ءارى ديپلوماتتار مەن جۋرناليستەردىڭ، ستۋدەنتتەردىڭ قىزىعۋشىلىعىن تۋدىردى.

كەمبريدج ۋنيۆەرسيتەتى جانىنداعى حالىقارالىق باعالاۋ جانە ءبىلىم بەرۋ كەڭەسىنىڭ (CAIE) حالىقارالىق ءبىلىم بەرۋ ديرەكتورى تريستان ستوبي ەلىمىزدە زياتكەرلىك مەكتەپتەرىنىڭ قۇرىلۋى قازاقستاندىق ءبىلىم بەرۋ سالاسىنداعى ۇلكەن جەتىستىكتەردىڭ ءبىرى ەكەنىن اتاپ ءوتتى.

پەداگوگيكا سالاسىنداعى بەدەلدى ساراپشىسى، پروفەسسور كولين ماكلافلين زياتكەرلىك مەكتەپتەردە ساپالى ءبىلىم بەرىلىتەتىنىن ايتا كەلە، ونىڭ ءبىلىم بەرۋ سالاسىندا ۇزدىكتەردىڭ قاتارىندا ەكەنىن ءمالىم ەتتى.

«نازاربايەۆ زياتكەرلىك مەكتەپتەرى 10 جىل ىشىندە الەمدىك ءبىلىم بەرۋ كوشباسشىلارىنىڭ قاتارىنا قوسىلدى. ءبىز وسى بىرەگەي ترانسۇلتتىق جوبانىڭ دامۋىنا ات سالىسقانىمىزدى ماقتان ەتەمىز» ، - دەدى ول.

 

داۋرەن ەربولات

Baq.kz