كۇيزەلىستەن ساقتانۋدىڭ وڭاي جولى تابىلدى

 استانا. قازاقپارات - حالىقارالىق عالىمدار توبى فيزيكالىق جاتتىعۋلار كۇيزەلىستىڭ الدىن الاتىنىن انىقتادى.

 EurekAlert پورتالىنىڭ مالىمەتىنشە، عالىمدار پسيحيكاسى ساۋ 266 939 ادام قاتىسقان 49 كوگورتتى زەرتتەۋدىڭ قورىتىندىسىنا ساراپتاما جاساعان. ساۋالناما تولتىرعانداردىڭ %47 ەر ادامدار بولعان. بۇل مونيتورينگتىڭ ورتاشا ۋاقىتى 7,4 جىل. زەرتتەۋ بارىسىندا دەنە سالماعى، زياندى ادەتتەردىڭ بولۋى مەن فيزيكالىق جالپى جاعدايى ەسەپكە الىنىپتى.

 زەرتتەۋشىلەر فيزيكالىق تۇردە بەلسەندى ادامداردا كۇيزەلىستىڭ پايدا بولۋ قاۋپى تومەن ەكەنىن بايقاعان. سونىمەن قاتار بۇل جاعدايدا ادامنىڭ جاسى مەن قاي ەلدە تۇراتىندىعى ماڭىزدى ەمەس ەكەن. «بۇل فيزيكالىق بەلسەندىك ادامداردى دەپرەسسيانىڭ دامۋىنان قورعايتىنىن دالەلدەيتىن العاشقى جاھاندىق مەتاساراپتاما»، - دەيدى ەڭبەكتىڭ جەتەكشى اۆتورى، پروفەسسور فەليپە باررەتو شۋچ.

عالىمداردىڭ پايىمىنشا، زەرتتەۋ سالاۋاتتى ءومىر سالتىن دارىپتەۋگە سەپتەسەدى. ماماندار ءارى قاراي قانداي سپورت ءتۇرى دەپرەسسيانىڭ دامۋىنان قالاي ساقتايتىنىن جانە قاجەتتى جاتتىعۋ مولشەرىن انىقتاماق.

 tengrinews.kz