بۇگىن قازاقستاننىڭ باسىم بولىگىندە كۇن اشىق بولادى

استانا. قازاقپارات - «قازگيدرومەت» ر م ك 12- ساۋىرگە ارنالعان اۋا رايى بولجامىن ۇسىنادى، دەپ حابارلايدى قازاقپارات.

قازاقستاننىڭ باسىم بولىگىندە جاۋىن-شاشىنسىز اۋا رايى ساقتالادى. تەك ەلدىڭ باتىسىندا، سولتۇستىگىندە جانە شىعىسىندا اتموسفەرالىق اۋا اعىندارىنىڭ وتۋىنە بايلانىستى جاۋىن-شاشىن جاۋادى. رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى كۇتىلەدى.

اقمولا، ماڭعىستاۋ، اتىراۋ، كۇندىز باتىس قازاقستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى.

جامبىل،  قىزىلوردا، تۇندە پاۆلودار، قاراعاندى، شىعىس قازاقستان، الماتى وبلىستارىنىڭ كەي جەرلەرىندە تۇمان تۇسەدى.

قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان كوكتايعاق، 15-20 م/س جىلدامدىقپەن جەل سوعادى.

تۇندە الماتى، جامبىل وبلىستارىنىڭ كەي جەرلەرىندە تۇندە 5 گرادۋسقا دەيىن ۇسىك جۇرەدى.