12:51, 11 - ءساۋىر 2018 | GMT +5
ەر ادام ەڭ اشتى بۇرىشتى جەپ ءولىپ قالا جازدادى
استانا. قازاقپارات - ا ق ش-تا ەڭ اشتى بۇرىشتى جەۋ سايىسىنا قاتىسقان ەر ادام اۋرۋحاناعا ءتۇستى.
وقيعا نيۋ-يورك قالاسىندا بولعان. 34 جاستاعى ەر ادام گيننەس رەكوردتار كىتابىنا ەڭ اشتى بۇرىش رەتىندە ەنگەن بۇرىشتى جەپ باسى اۋىرعان.
سايىستان بىرنەشە كۇن وتكەندە ونىڭ باسى قاتتى اۋىرىپ، اۋرۋحاناعا جەتكىزىلگەن. كومپيۋتەرلىك توموگرافيا ونىڭ ميىنداعى بىرنەشە ارتەريانىڭ قاتتى تارىلىپ كەتكەنىن كورسەتكەن.
دارىگەرلەردىڭ ايتۋىنشا ەر ادامدا سەرەبرالدى سيندروم پايدا بولعان. ول اسقىنسا ينسۋلت(مي قانتامىرلارىنىڭ توقتاۋى، جارىلۋى)، ەپيلەپسياعا(تالماعا)، ءتىپتى ولىمگە اكەلىپ سوعۋى مۇمكىن.
دەرەككوز: سەگودنيا
