جاپوندىقتار سەمەيدەگى اتوم كولىن زەرتتەمەك

استانا. قازاقپارات - ق ر ۇلتتىق يادرولىق ورتالىعى مەن فۋكۋسيما ەكولوگيالىق قاۋىپسىزدىك ورتالىعى (جاپونيا اتوم ەنەرگياسى اگەنتتىگى) اتوم كولىنىڭ اينالاسىنداعى ماسەلە جانە ونى عىلىمي-شارۋاشىلىق ماقساتتا پايدالانۋ جونىندەگى بىرلەسكەن جوبانى باستادى.

بۇل تۋرالى «كازاحستانسكايا پراۆدا» گازەتى جازادى.

جاساندى كول بۇرىنعى سەمەي پوليگونى اۋماعىندا جەر استى يادرولىق جارىلىستارىنىڭ نەگىزىندە شاعان جانە اشىسۋ وزەندەرىنىڭ ساعاسىندا 1965-جىلى پايدا بولعان.

سىناقتار ناتيجەسىندە تەرەڭدىگى 100، ديامەترى 400 مەتردەن اساتىن كولشىك پايدا بولعان.

الداعى ۋاقىتتا بىرلەسكەن توپ جاساندى كولدەن كوپتەگەن زەرتتەۋلەر جۇرگىزبەك. اتاپ ايتقاندا، نىسان اۋماعىندا جاساندى راديونۋكليدتەردىڭ تارالۋ سيپاتىن، ءارتۇرلى اۋا رايىنى جاعدايىندا ونىڭ اتموسفەراعا ەنۋىن جانە باسقا دا جۇمىستاردى جۇرگىزۋدى جوسپارلاپ وتىر.

الىنعان مالىمەتتەر نەگىزىندە، اتوم كولى ايماعىنداعى ەكولوگيالىق جاعدايدىڭ حالىققا جانە قورشاعان ورتاعا اسەرى بويىنشا ۇسىنىمدار ازىرلەنەتىن بولادى.