جاياۋدىڭ ولىمىنە سەبەپكەر اتباسارلىق جۇرگىزۋشى قولعا ءتۇستى

كوكشەتاۋ. قازاقپارات - اقمولا وبلىسىندا ەكى جاياۋدى قاعىپ كەتىپ، وقيعا ورنىنان ءىزىن سۋىتقان اتباسارلىق كولىك جۇرگىزۋشى ۇستالدى، دەپ حابارلايدى قازاقپارات ءتىلشىسى وبلىستىق ءى ءى د باسپا ءسوز قىزمەتىنە سىلتەمە جاساپ.

ايتا كەتەيىك، الەۋمەتتىك جەلىدە تاراعان ۆيدەو جازبادا كورسەتىلگەندەي جول-كولىك وقيعاسى اتباسار قالاسىندا بولعان. وندا Toyota Land Cruiser كولىگىنىڭ جۇرگىزۋشىسى جاياۋ جۇرگىنشىلەردى قاعىپ كەتىپ، وقيعا ورنىنان تايىپ تۇرعان.

اقمولا وبلىستىق ءىءى د باسپا ءسوز قىزمەتىندەگىلەر جول- كولىك وقيعاسى ءساۋىردىڭ 8-دە بولعانىن راستاپ وتىر.

«جەدەل- ىزدەستىرۋ شاراسى بارىسىندا انىقتالعانداي Toyota Land Cruiser كولىگىنىڭ 31 جاستاعى جۇرگىزۋشىسى جولدىڭ شەتىندە كەلە جاتقان ەكى جاياۋدى قاعىپ كەتكەن. سالدارىنان 47 جاستاعى ايەل وقيعا ورنىندا كوز جۇمسا، ەكىنشى زارداپ شەگۋشى ءتۇرلى دەنە جاراقاتىمەن ورتالىق اۋداندىق اۋرۋحاناعا جەتكىزىلدى. ال كولىك جۇرگىزۋشىسى ءىزىن سۋىتقانىمەن ءبىر تاۋلىكتىڭ ىشىندە قولعا ءتۇستى»، دەپ ءمالىم ەتتى ءى ءى د باسپا ءسوز قىزمەتى.

قازىرگى كەزدە، وسى وقيعاعا بايلانىستى ق ر ق ك-نىڭ 34-بابى 3- ءبولىمى بويىنشا سوتالدى وندىرىستىك ءىس قوزعالىپ، ءبىرقاتار ساراپتاما تاعايىندالدى.