بۇگىن قازاقستاننىڭ باسىم بولىگىندە جاۋىن جاۋادى
اتموسفەرالىق اۋا اعىندارىنىڭ وتۋىنە بايلانىستى قازاقستاننىڭ باسىم بولىگىندە جاۋىن-شاشىن ساقتالادى. تەك باتىستا جانە وڭتۇستىكتىڭ كەي جەرىندە جاۋىن-شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، كوكتايعاق، وڭتۇستىك شىعىستا بۇرشاق بولۋى ىقتيمال.
اقمولا، سولتۇستىك قازاقستان، وڭتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان بولادى، جەلدىڭ جىلدامدىعى 15-20 م/س دەيىن جەتەدى.
جامبىل، قىزىلوردا، الماتى وبلىستارىنىڭ كەي جەرلەرىندە تۇمان كۇتىلەدى، تۇندە كوكتايعاق بولادى، بۇرشاق بولۋى ىقتيمال، كۇندىز كەي جەرلەرىندە جەل 15-20 م/س كۇشەيەدى.
ماڭعىستاۋ وبلىسىنىڭ كەي جەرلەرىندە جەل 15-20 م/س سوعادى، شاڭدى داۋىل بولادى.
اتىراۋ، قوستاناي وبلىستارىنىڭ كەي جەرلەرىندە كۇندىز جەل 15-20 م/س جىلدامدىقپەن سوعادى.
