دوستىق پەن ماحابباتتى تانيمىز با؟

 استانا. قازاقپارات - قىز بەن جىگىتتىڭ اراسىنداعى دوستىققا سەنەتىندەر دە، سەنبەيتىندەر دە بار. ءبىراق بۇل «جۇمباقتىڭ» شەشۋىن ءالى ەشكىم تاپپاعان.

 وسى ساۋالدى ادام ويعا العان كەزدە ومىرىندە كەزدەسكەن دوسىنا (قىز، جىگىت) دەگەن سەزىمىن ەسكە الۋى ورىندى. ەكى سەزىمدى باستان كەشىپ جۇرگەن جان ولاردىڭ ارا جىگىن اجىراتۋدا قينالۋى مۇمكىن. ولاي بولسا، مىنا قاعيدالاردى وقىپ، ءوزىڭىز سارالاپ كورىڭىز. ول ءسىزدىڭ جاي عانا دوسىڭىز، ەگەر.. .

♦ دوسىڭىزدىڭ سۇيىكتىسى جايلى بىلسەڭىز جانە ولارعا شىن باقىت تىلەيتىن اق تىلەكشىلەردىڭ قاتارىندا بولساڭىز، ارالارىڭىزدا ەشقانداي سەزىمنىڭ بولماعانى دەپ ءبىلىڭىز. كوپ ۇزاماي سىزگە دە «سۇيىكتىم» دەيتىن ادام تابۋ كەرەك.

 ♦ قۇربىڭىز ءسىزدىڭ جانىڭىزدا ءوزىن تىم ەركىن ۇستاسا، (قىزدار بويانىپ، جىگىتتەر جەيدەسىن رەتتەپ) وندا بۇل - دوستىقتىڭ بەلگىسى.

 ♦ دوسىڭىزدان كەمشىلىك بايقاساڭىز جانە ونى بەتىنە ايتا الساڭىز، سىزدەر ناعىز دوسسىزدار.

 ♦ ول ءبىر ءوتىنىش ايتتى، ال ءسىز قاتتى شارشاپ تۇرسىز. سول سەبەپتى ورىنداي المايتىنىڭىزدى جانە كەلەسى ءبىر جولى كومەكتەسەتىنىڭىزدى ويلانباي ايتا الاسىز. بۇل دا دوستار اراسىندا بولادى. ال ەگەر.. .

 ♥ دوسىڭىزدىڭ سۇيىكتىسىنەن كەمشىلىك ىزدەي بەرسەڭىز، «ونىڭ ورنىندا مەن بولسام، بۇيتەر ەم» دەپ بايقاماي ءوزىڭىزدى ەلەستەتىپ كەتسەڭىز، ءسىز ونىڭ دوسى ەمەس، وعان سىرتتاي عاشىق جانسىز.

 ♥ دوسىڭىزدىڭ بويىنداعى كەمشىلىكتەر سىزگە ءبارىبىر «ۇلى» بولىپ كورىنسە، ءسىز وعان عاشىقسىز. سەبەبى، عاشىقتىق كەمشىلىك ونىڭ بويىنان كورمەيتىندەي ەتىپ كوزىڭىزدى تۇمشالاپ تاستايدى.

 ♥ وسىعان دەيىن ونىڭ جانىندا ءوزىڭىزدى ەركىن ۇستادىڭىز، ال قازىر سەزىم تۋرالى اڭگىمەنىڭ شەتى شىقسا، كىبىرتىكتەپ، تۇتىعىپ، قوبالجىپ كەتسەڭىز، بۇل جايدان جاي ەمەس.

 ♥ وعان قوڭىراۋ شالعان، حابارلاما جىبەرگەن، الەۋمەتتىك جەلىدەگى سۋرەتىنە سىزگە ۇنامايتىن پىكىر جازعان ادام ءسىزدى قاتتى تولعاندىرسا جانە وعان «ەكىنشى رەت حابارلاسپا» دەپ ايتقىڭىز كەلسە، سىزدەر دوس ەمەسسىزدەر. مۇنداي جايت باسىڭىزدان ءوتتى مە؟ سوڭى قالاي ءبىتتى؟

Massaget.kz