اقتاۋلىق تاكسيست كولىگىندە ءان ايتىپ جولاۋشىلاردىڭ كوڭىلىن كوتەرىپ ءجۇر - ۆيدەو
استانا. قازاقپارات - اقتاۋلىق تاكسي جۇرگىزۋشىسى جولاۋشىلارىنىڭ كوڭىلىن كوتەرىپ، جول بويى ءان ايتىپ بارادى. تۇرعىندار ونىڭ ونەرىنە جوعارى باعا بەرەدى.
قالا تۇرعىنى ءۆلاديميردىڭ ايتۋىنشا، ول دوسىمەن تاكسيگە وتىرادى. 65 جاستاعى جۇرگىزۋشى Toyota Hilux ەكى جىگىتتى ءتيىستى مەكەن جايىنا جەتكىزىپ تاستايدى. جول بويى ءان ايتىپ، كوڭىلدەرىن كوتەرەدى، دەپ جازادى lada.kz.
«ءبىز مۋزىكا جايىندا اڭگىمەلەستىك. ول ءان ءسوزى جازىلعان ديسكىنى قوسىپ، ءان ايتا باستادى. داۋسى ادەمى. ءان ايتاتىن تاكسيستى كورگەن ەمەسپىن». - دەيدى جولاۋشى.
2016 -جىلى دا وسى تاكسي جۇرگىزۋشىسى ديسكىسىن قويىپ، كولىكتەگى بالالارعا ءان ايتىپ بەرگەن.
