قازاقستاننىڭ وڭتۇستىگىندە ۇسىك جۇرەدى - سينوپتيكتەر

«8 -ساۋىردە تۇندە قىزىلوردا وبلىسىندا، 10 ساۋىردە تۇندە وڭتۇستىك قازاقستان وبلىسىنىڭ كەي جەرلەرىندە 2 گرادۋس ۇسىك ءجۇرۋى ىقتيمال. ىقتيمالدىق 90-95 پايىز»، - دەلىنگەن حابارلامادا.

ەسكە سالا كەتەيىك، بۇعان دەيىن مەتەورولوگتار 7-8 -ساۋىردە اقتوبە، باتىس قازاقستان، قوستاناي، اقمولا، سولتۇستىك قازاقستان، پاۆلودار، قاراعاندى جانە شىعىس قازاقستان وبلىستارىندا اۋا تەمپەراتۋراسىنىڭ جوعارىلاۋى جانە جاۋىن-شاشىن بولجامىنا بايلانىستى قاردىڭ ەرۋى، جەرگىلىكتى اعىننىڭ قالىپتاسۋى، سۋ دەڭگەيىنىڭ كوتەرىلۋىنە جانە سۋدىڭ وزەن جايىلماسىنا شىعۋىنا (سۋ باسۋعا) بايلانىستى ەسكەرتۋ جاريالاعان بولاتىن.

سونىمەن قاتار، الماتى، جامبىل، وڭتۇستىك قازاقستان وبلىستارىندا جانە الماتى قالاسىندا جاڭبىر بولجامىنا بايلانىستى، كەي جەرلەردە قاتتى، جەرگىلىكتى جانە باۋرايلى اعىننىڭ قالىپتاسۋى، سۋ دەڭگەيلەرىنىڭ كوتەرىلۋى جانە جايىلمالىق اۋدانداردى سۋ باسۋى كۇتىلەتىنىن ەسكەرتتى.