دەپۋتاتتار الماتىلىق كاسىپكەرلەردىڭ ساۋالدارىنا جاۋاپ بەردى

حالىق قالاۋلىلارى ولارعا ق ر پرەزيدەنتىنىڭ 5 الەۋمەتتىك باستاما جوباسىنىڭ 4-باستاماسى - شاعىن نەسيە بەرۋ تۋرالى ءتۇسىندىردى اتالعان شارا «دامۋ» كاسىپكەرلىكتى قولداۋ قورىنىڭ الاڭىندا ءوتتى.

سونداي- اق، جيىنعا «دامۋ» كاسىپكەرلىكتى قولداۋ قورى ءتوراعاسىنىڭ ورىنباسارى عالىم نۇرعازييەۆ، «نۇر وتان» پارتياسى المالى اۋداندىق بولىمشەسى باسشىسىنىڭ ءبىرىنشى ورىنباسارى نايليا وردابايەۆا قاتىستى.

جيىن بارىسىندا حالىق قالاۋلىلارى كاسىپكەرلەردىڭ الاڭداتقان ساۋالدارىنا جاۋاپ بەرىپ، كاسىپكەرلەردى قولداۋدىڭ مەملەكەتتىك باعدارلاماسىن جۇزەگە اسىرىلۋ پروتسەسى تۋرالى ايتتى.

 «ەلباسى جۇمىسسىزدار مەن ءوزىن جۇمىسپەن قامتىپ جۇرگەندەردىڭ اراسىندا جەڭىلدىكپەن نەسيە بەرۋ تەتىكتەرىنىڭ تيىمدىلىگىن اتاپ كورسەتتى. بۇل باستامامەن جۇزەگە اسىرىلسا، جۇمىسسىزدار دا، ازداعان كاسىبى بارلار دا بيزنەسىن ودان ءارى دامىتىپ، جاڭا جۇمىس ورىندارىن قۇرا الادى» ، - دەدى س. سەيدۋمانوۆ.

 «ءبىز ق ر ۇكىمەتىندەگى جۇمىس توبىنىڭ ۇسىنعان جولدارىن قارايمىز. ءماجىلىس دەپۋتاتتارى وسى مەحانيزمدەردى ءتۇسىندىرۋدى ماقسات ەتەدى. ەلباسى ايتقان ماسەلەنى حالىق كۇتىپ وتىر. اسىرەسە باسپانا ماسەلەسى - جالعىز باستى انالار، الەۋمەتتىك تۇرعىدان از قامتىلعان وتباسىلار ءۇشىن وتە وزەكتى ماسەلە. بۇگىن كاسىپكەرلەردىڭ نەسيە الۋدا كەزدەسىپ جاتقان قيىنشىلىقتارىن تىڭدادىق. ءوز كەزەگىمىزدە ول سۇراقتاردىڭ بارلىعىن نۇر وتان پارتياسىنىڭ فراكسياسىنا ۇسىناتىن بولامىز» ، - دەدى دەپۋتات ەرجان قۇدايبەرگەنوۆ.