اۋا رايى: قازاقستاننىڭ التى وبلىسىندا ەسكەرتۋ جاريالاندى

31 - ناۋرىزدان 6 - ساۋىرگە دەيىن باتىس قازاقستان جانە اقتوبە وبلىستارىندا كۇن جىلى بولىپ، قار مەن مۇزدىڭ ەرۋىنە جانە جاڭبىر جاۋۋىنا بايلانىستى وزەندەردەگى سۋ دەڭگەيى كوتەرىلىپ، تاسقىن بولۋ قاۋپى ارتادى.

2-6 -ءساۋىر كۇندەرى قىزىلوردا، وڭتۇستىك قازاقستان، جامبىل، الماتى وبلىستارىندا جانە الماتى قالاسىندا كۇن جىلى بولىپ، جاڭبىر جاۋۋىنا بايلانىستى وزەندەردەگى سۋ دەڭگەيى كوتەرىلۋى مۇمكىن.

بۇدان باسقا، شىعىس قازاقستان وبلىسىندا 31 - ناۋرىز كۇنى قار مەن جاڭبىر جاۋىپ، جەل سەكۋندىنا 15-20 مەتر جىلدامدىقپەن سوعادى، كەي جەرلەردە ەكپىنى 23-28 م/س- قا جەتەدى. كەيبىر اۋدانداردا بوران سوعىپ، كوكتايعاق بولۋى مۇمكىن. وسكەمەندە 31 - ناۋرىز جاۋىن- شاشىندى بولادى، جەلدىڭ جىلدامدىعى سەكۋندىنا 15-20 مەترگە جەتەدى.