ورتەنگەن عيماراتتىڭ ىشىندە قالعان ادام الدىمەن نە ىستەۋى كەرەك - ت ج ك

دەپ حابارلايدى «قازاقپارات» ح ا ا ءتىلشىسى.

«ەڭ ءبىرىنشى كەزەكتە حالىق كوپ باراتىن نىساندا سونداي جاعدايعا تاپ بولعان ادام ەۆاكۋاتسيالانۋعا بولاتىن شىعۋ ەسىگىن انىقتاۋعا تىرىسۋى كەرەك. ءوزىم دە، ماسەلەن حالىق كوپ شوعىرلانعان نىسانعا بارسام، ەڭ الدىمەن ءورت سوندىرۋگە بولاتىن العاشقى قۇرامنىڭ (قۇرىلعىلاردىڭ - اۆت. ) قايدا تۇرعانىن جانە شىعۋ ەسىگى قايدا ورنالاسقانىن، ونىڭ اشىق نەمەسە جابىق تۇرعانىن ءبىلىپ الۋعا تىرىسامىن. بۇعان ەرەكشە نازار اۋدارۋ كەرەك. ماسەلەن، كينوتەاترعا كىرگەن كەزدە ەۆاكۋتسيالانۋعا بولاتىن ەسىكتىڭ قايدا ورنالاسقانىن بىردەن بىلۋگە تىرىسىڭىز»، - دەپ ۇقتىردى رۇستەم ىسقاقوۆ ق ر ءى ءى م توتەنشە جاعدايلار كوميتەتىندە ءورت قاۋىپسىزدىگى سالاسىنداعى مەملەكەتتىك باقىلاۋدى جۇزەگە اسىرۋ ماسەلەلەرى جونىندە وتكەن بريفينگ بارىسىندا.

ول ءوز سوزىندە ەگەر سونداي توتەنشە جاعدايعا تاپ بولساڭىز، سابىر ساقتاۋعا تىرىسىپ، ناقتى قاي جەردە تۇرعانىڭىزدى حابارلاۋ كەرەكتىگىن ايتتى.

«باسىڭىزدى ەدەنگە جاقىن ۇستاۋ كەرەك. سەبەبى، ورتتەن كوتەرىلگەن ءتۇتىن جوعارىعا كوتەرىلىپ، دەمالاتىن اۋا ەدەن دەڭگەيىندە ساقتالادى. مۇمكىندىك بولسا، اۋزىڭىزدى سۋلانعان شۇبەرەكپەن جاۋىپ، ەۆاكۋاتسيالانۋ جاعىنا جاقىنداعانىڭىز ءجون»، - دەيدى ول.

سونىمەن قاتار، ءى ءى م ت ج ك وكىلى ونداي جاعدايدا كەز كەلگەن ادام ءوزىنىڭ ازاماتتىق جاۋاپكەرشىلىگىن سەزىنۋى كەرەكتىگىن قاداپ ايتتى.

«ءورت ءسوندىرۋ قۇرىلعىسىن قالاي قولدانۋ كەرەكتىگىن بىلسەڭىز، ەڭ الدىمەن سونى پايدالانىپ ءتىلسىز جاۋدى اۋىزدىقتاعان ابزال. ەڭ ءبىرىنشى كەزەكتە، ازاماتتىق جاۋاپكەرشىلىكتى سەزىنىپ، ەۆاكۋاتسيا جولىن انىقتاۋعا تىرىسۋ كەرەك»، - دەپ ءتۇيدى رۇستەم ىسقاقوۆ.

اۆتور: ايان بەكەن ۇلى