ءسىزدىڭ بالاڭىز بۇل تۋرالى ءبىلۋى كەرەك: ءورت كەزىندە امان قالۋدىڭ ءۇش ەرەجەسى

كوپتەگەن ادامدار توتەنشە جاعدايدا قانداي ارەكەت ەتۋ كەرەك سەكىلدى ساباققا نەمقۇرايلى قارايدى. بۇل دارىستەردە گاز ماسكاسىن قالاي قولدانۋ كەرەكتىگى تۋرالى، سونداي- اق قاۋىپتى جاعدايدا دۇرىس ارەكەت ەتۋ سەكىلدى ەرەجەلەر ۇيرەتىلەدى. وسىنداي ساباقتاردىڭ ماڭىزدىلىعىن قيىندىققا تاپ بولعاندا عانا تۇسىنەمىز. ال قازىرگى زامانعى مەكتەپتەردە مۇنداي دارىستەرگە سەلقوس قارايدى.

كەمەروۆوداعى ورتتەن كەيىن «ستوپ ۋگروزا» بالالار قاۋىپسىزدىگى بويىنشا كەڭەس بەرۋ ورتالىعى بارلىق اتا- انالار ءبىلۋى ءتيىس ماڭىزدى جازبا جاريالادى. بۇل اتالعان كەڭەستەر ادام ءومىرىن ساقتاۋعا كومەكتەسەدى.

«ستوپ ۋگروزا» بالالار قاۋىپسىزدىك كەڭەسى ورتالىعىنىڭ جەتەكشىسى ليا شاروۆا كەمەروۆوداعى قايعىلى وقيعادان كەيىن ءار بالاعا ۇيرەتۋ كەرەك ەرەجەلەر تۋرالى ايتتى، دەپ حابارلايدى Stan.kz اقپاراتتىق اگەنتتىگى.

نازارلارىڭىزعا ءورت نەمەسە ءتۇتىن باسقان بولمەدەن شىعۋدىڭ ءبىرىنشى ەرەجەسىن ۇسىنامىز.

1. ءزار شىعارىلعان شارفتى پايدالانىڭىز

 ءبىز ۇنەمى وزىمىزبەن بىرگە سۋ كوتەرىپ جۇرمەيمىز، بالالار ءتىپتى المايدى. دەگەنمەن كوپشىلىگى ءورت كەزىندە تۇتىنگە تۇنشىعىپ مەرت بولادى. سوندىقتان تۇتىنگە ۋلانىپ قالماس ءۇشىن شارف، فۋتبولكا، كويلەك، جەيدە، بەلدەمشە سەكىلدى كەز- كەلگەن كيىمدى پايدالانۋىمىز كەرەك. قانداي كيىم بولماسىن سوعان ءزار شىعارىپ، سول تىنمەن دەم الامىز. ءزار ءتۇتىن مەن ۋلى زاتتاردى سۋعا قاراعاندا الدەقايدا جاقسى سۇزەدى.

بالالار بۇعان قانشا كۇلگەنىمەن، دەگەنمەن بارلىعى قاۋىپتى جاعدايدا ونىڭ ۇيات ەمەس ەكەنىن بىلەدى.

2. بالالارعا ەسىكتەن شىعۋ ويىنىن ۇيرەتىڭىز

تەك بالالار عانا ەمەس ەرەسەكتەر دە قيىندىقتان شىعۋ ويىنى تۋرالى ءبىلۋى كەرەك. ءبىز ءورت كەزىندە ۇيدەن قالاي شىعۋ تۋرالى سۇراقپەن ەشقاشان ويلانبايمىز. ال ونى جىلدام جانە كوڭىلدى جاساۋعا بولادى. بۇل ويىندى بالاعا ۇيرەتە وتىرىپ، وعان ءوزىڭىز دە نازار اۋداراسىز. سوندىقتان، 2-3 اپتا ىشىندە، كەز كەلگەن بولمەگە كىرىپ ءورت كەزىندە قايدا جۇگىرەتىنىڭدى كور.

3. قالىڭ توپتان شىعاتىن جول

بۇل كەڭەس ءۇش ەرەجەدەن تۇرادى:

 بىرىنشىدەن، قالىڭ توپتىڭ ىشىنەن تۋىستارىڭ ارتتا قالىپ قالسا دا توقتاۋسىز قوزعالىس باعىتىندا جۇرەمىز. سىزدەر سىرتقا شىققاننان كەيىن كەزدەسەسىزدەر.

ەكىنشىدەن، بۇرىشتاردان، تىرەكتەردەن، كەز- كەلگەن كەدەرگىلەردەن ابايلاپ اينالىپ ءوتىڭىز. ول ءۇشىن الىستان الدىمىزدا نە تۇرعانىن باقىلايمىز. سودان كەيىن قولىمىزدى كەۋدەگە ايقاستىرىپ، شىنتاقتى ءسال العا شىعارىپ، يىعىمىزدى ۇستاپ جۇرەمىز. ەگەر قىسىلىپ كەتسەڭىز، ەركىن دەمالساڭىز بولادى.

ۇشىنشىدەن، ەگەر بىرەۋ قۇلاپ قالسا ءبىر جەرگە ۇيىرىلمەيمىز. ءسىز ورنىڭىزدان ءۇش سەكۋندتىڭ ىشىندە تۇرىپ ۇلگەرۋىڭىز كەرەك. ونداي جاعدايدا كەز- كەلگەن ادامنىڭ اياعىنا جارماسىپ بولسىن تۇرىڭىز. ءتىپتى جولاۋشى باسىڭنان قويىپ كەلسە دە، ورنىڭنان تۇرۋعا ۋاقىت جەتكىلىكتى. وسى ءۇش ەرەجەلەردى مىندەتتى تۇردە ۇيدە جاساپ كورىڭىز، سونداي- اق ەشقاشان جادىڭىزدان شىعارماڭىز.