بالالاردى رۇقساتسىز سۋرەتكە تۇسىرگەن ازاماتقا ايىپ تاعىلدى

«كەشە كەشكىسىن ساعات شامامەن 20-45-تە شىمكەنت قالاسىنىڭ ەڭبەكشى اۋدانىنىڭ ءۋاليحانوۆ كوشەسى بويىنشا قوعامدىق ءتارتىپتى قورعاۋ قىزمەتىن اتقارىپ جۇرگەن شولعىنشى توپتىڭ باستىعى، ەفرەيتور بەكزات مامانوۆعا ءبىر ازاماتشا سىرتقى كەلبەتى ەۋروپالىققا ۇقساس بەلگىسىز ادامدى تابۋعا كومەكتەسۋىن وتىنگەن. ايەلدىڭ ايتۋىنشا، كوپقاباتتى تۇرعىن ءۇيدىڭ كىرە بەرىسىندە، ءوزى جوق كەزدە 25-30 جاس ارالىعىنداعى ۇستىنە اشىق ءتۇستى كۇرتەشە كەلگەن جىگىت ونىڭ 6 جاستاعى ەگىز قىزدارىنا كەلگەن. ول كۇش قولدانباي كىشكەنتاي قىزداردى كوندىرىپ، ودان كەيىن پلانشەتىنە سۋرەتكە ءتۇسىرىپ العان»، - دەلىنگەن تاراتىلعان اقپاراتتا.

شولعىنشى توپتىڭ باستىعى باعىتتامانى العاننان كەيىن، جاۋىنگەرلىك بارلىق كەزەكشىلەرگە ونى جىبەرىپ، كۇدىكتىنى ىزدەۋگە كىرىسكەن. ءبىر ساعاتتان كەيىن قاتارداعى شولعىنشىلار بەكجان ىبىرايەۆ پەن ءانۋار تاڭاتاروۆ باعىتتامادا كورسەتىلگەن ادامدى ۇستادى.

فوتو: gazeta.ru