كانن فەستيۆالىندە سەلفي جاساۋعا تىيىم سالىندى
استانا. قازاقپارات - بيىلعى 8-19 - مامىرى ارالىعىندا وتەتىن 71- حالىقارالىق كانن فەستيۆالىنىڭ ۇيىمداستىرۋشىلارى فەستيۆەل ەرەجەسىنە جاڭادان ەنگەن ەكى وزگەرىس تۋرالى حابارلادى.
سونىڭ ءبىرى كينوفەستيۆال كەزىندە سەلفي جاساۋعا تىيىم سالىنىپ وتىر، دەپ حابارلايدى Baq.kz اقپارات اگەنتتىگى Kinonews.ru پورتالىنا سىلتەمە جاساپ.
حالىقارالىق فەستيۆال ۇيىمداستىرۋشىلارى ەنگىزگەن جاڭا ەرەجەگە سايكەس، بىرىنشىدەن، «قىزىل كىلەممەن» ءجۇرىپ ءوتۋ بارىسىندا جۇلدىزدارعا سەلفي جاساۋعا تىيىم سالىنادى. ەكىنشىدەن، رەسمي كورسەتىلىمنەن بۇرىن وتەتىن باسپا ءسوز قۇرالدارىنا ارنالعان فيلمدەردىڭ ارنايى كورسەتىلىمى ەندى ۇيىمداستىرىلمايتىن بولدى.
باسىلىم حابارلاعانداي، مۇنداي مالىمدەمەنى جۋرنالعا سۇحبات بەرۋ بارىسىندا فەستيۆال پرەزيدەنتى تەرري فرەمو جاريالاعان.
ايتا كەتۋ كەرەك، تانىمال ادامدار بۇعان دەيىن اۋەستەنگەن سەلفي جاساۋ مادەنيەتسىزدىك بولىپ سانالعانىمەن، ولاردى جاساۋعا رەسمي تۇردە تىيىم سالىنباعان. ال بيىلدان باستاپ فەستيۆال بارىسىندا "سوتكاڭىزعا قاراپ ىرجيۋعا" بولمايدى.
ءباسپاسوز قۇرالدارىنا ارنالعان كورسەتىلىمدەر، ادەتتە، پرەمەرا كۇنى تاڭەرتەن وتەتىن. ەندىگى رەتتە، ب ا ق وكىلدەرى كينوتۋىندىلاردى قوناقتارمەن بىرگە، ءبىراق باسقا جەردەن تاماشالاي الادى.
