تيبەتتىكتەر «اتىزعا سوقا سالۋ» ءداستۇرىن وتكىزدى - شەتەلدەگى قازاق ءتىلدى ب ا ق- قا شولۋ
استانا. قازاقپارات - «قازاقپارات» حاا نازارلارىڭىزعا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
***
قازاق راديوسى مەن «تۇركيا ءۇنى» راديوسى ەفيرگە بىرگە شىقتى - TRT
انكاراداعى تۇركيا تەلە- راديو كورپوراتسياسىنا قاراستى «تۇركيا ءۇنى» راديوسى مەن قازاق راديوسى بىرلەسىپ، راديوكوپىر وتكىزدى.
«تۇركيا ءۇنى» راديوسىنا قوناققا گازي ۋنيۆەرسيتەتى تۇرىك ءتىلى مەن ادەبيەتى كافەدراسىنىڭ وقىتۋشىسى، پروفەسسور، تۇركيات زەرتتەۋ ورتالىعىنىڭ ءتورايىمى حۇليا كاساپوعلۋ چەنگەل مەن حالىقارالىق ساياسات عىلىمىنىڭ دوكتورى ءماريام حاكىم، ال قازاق راديوسىنا قوناققا ەتنوگراف قالجان راحىمجان قاتىسقان. ەفيردى «تۇركيا ءۇنى» راديوسىنىڭ قازاق رەداتسياسىنىڭ ديكتورى تورعىن سۇلتان قىزى مەن قازاق راديوسىنىڭ جۋرناليستەرى قۋانىش كارىم مەن امانگۇل ەرمەك قىزى جۇرگىزدى. باعدارلاما بارىسىندا ناۋرىز مەيرامىنىڭ شىعۋ تەگى ءسوز بولىپ، قازاق پەن تۇرىك حالقىنىڭ تويلاۋىنىڭ ەرەكشەلىكتەرى ءسوز بولدى.
«تۇركيا تەلە- راديو كورپوراتسياسى ءبىزدىڭ ۇسىنىسىمىزدى قابىل العانى ءۇشىن العىسىمدى بىلدىرەمىن. باۋىرلاس ەكى ەل بىرلەسىپ ەفيرگە شىعۋ ارقىلى وزگەدە تۋىستاس ەلدەرگە ۇلگى بولسىن دەگەن نيەتپەن جاساعان ەدىك. جوبا ءساتتى شىقتى. ەفيردى ۇيىمداستىرۋداعى ماقساتىمىز جالپى باۋىرلاس ەلدەردىڭ بىرلىگىن نىعايتۋ. بۇدان بۇرىن ءبىز قىزعىز ەلىمەن دە وسىنداي جوبا جاساعانبىز. الدا وزبەكستانمەن وسىنداي ەفير جاساۋدى جوسپارلاپ وتىرمىز. راديو كوپىر ارقىلى جۋناليستەرىمىزدىڭ ءوزارا بايلانىسىن ارتترىپ ءوزرا تاجىريبە الماسۋدى ماقساپ ەتەمىز» ، دەيدى «رەسپۋبليكالىق راديو» ج ش س- ءنىڭ باس ديرەكتورى ءمادي ماناتبەك TRT Haber تەلەارناسىنا بەرگەن سۇحباتىندا.
***
شيزاڭداعى ديقاندار «اتىزعا سوقا سالۋ» ءداستۇرىن وتكىزدى- «جەنمين جيباو» (People Daily)
17 - ناۋرىز كۇنى قىتايدىڭ شيزاڭ ايماعىنداعى تيبەت ۇلتىنىڭ وكىلدەرى وزدەرىنىڭ مىڭداعان جىلداردان بەرى جالعاسىپ كەلە جاتقان «اتىزعا سوقا سالۋ» ءداستۇرىن وتكىزدى، دەپ حابارلايدى «جەنمين جيباو» باسىلىمى.
تيبەت حالقىنىڭ جىل ساناۋى بويىنشا بۇل كۇن - جاڭا جىلدىڭ باسى بولىپ سانالادى. وسىعان وراي شيزاڭ تۇرعىندارى ۇلتتىق كيىمدەرىن كيىپ، قىس بويى قار جامىلىپ جاتقان اتىزدىڭ توپىراعىنا العاش رەت سوقا سالىپ، ءداستۇرلى «اتىزعا سوقا سالۋ» سالتاناتىن وتكىزدى.
بۇل مىڭداعان جىلدار بويى تويلانىپ كەلە جاتقان تيبەت حالقىنىڭ ءداستۇرلى مەرەكەسى. وندا ديقاندار كوكتەمگى ەگىستىڭ سوقاسىن سالۋ سالتاناتىن وتكىزىپ، اۋا رايىنىڭ جايلى بولۋىن، استىقتان مول ءونىم الۋدى تىلەيدى.
***
قازاقستاندىق جوعارى وقۋ ورىندارىنا قانداي گرانتتار بار - kaznews.mn
موڭعوليانىڭ ءبىلىم، عىلىم، مادەنيەت جانە سپورت مينيسترلىگى الداعى وقۋ جىلىندا قازاقستاندىق جوعارى وقۋ ورىندارىنا ءبىلىم گرانتتارىن الۋ مۇمكىندىگى تۋرالى اقپارات تاراتتى، دەپ حابارلايدى kaznews.mn پورتالى.
ماقالادا قازاقستاندا وقۋعا نيەت بىلدىرگەن موڭعوليالىق ازاماتتار موڭعوليانىڭ ءبىلىم، عىلىم، مادەنيەت جانە سپورت مينيسترلىگىنە قۇجاتتارىن تاپسىرۋى ءتيىس ەكەندىگى ايتىلعان.
موڭعوليالىق تاراپتىڭ سۇرانىسى بويىنشا تاۋ- كەن، حالىقارالىق قاتىناستار، توقىما ونەركاسىبى، جول قۇرىلىسى ينجەنەرى ماماندىقتارى بويىنشا 5 گرانت (2 باكالاۆريات، 2 ماگيستراتۋرا جانە 1 دوكتورانتۋرا) بولىنگەن.
اتالعان ءبىلىم گرانتتارى اياسىندا قازاقستاندىق تاراپ تەگىن ءبىلىم، شاكىرتاقى جانە جاتاقحانامەن (جول قاراجاتى گرانت يەگەرى ەسەبىنەن) قامتاماسىز ەتەدى.
سونىمەن قاتار قازاقستاندا ءبىلىم الۋ ماسەلەلەرى بويىنشا قازاقستان رەسپۋبليكاسىنىڭ موڭعولياداعى ەلشىلىگىمەن حابارلاسۋ كەرەكتىگى ايتىلعان.
***
بەيجىڭدە ناۋرىز مەرەكەسى تويلانىپ كەلە جاتقانىنا 36 -جىلى - «جەنمين جيباو» (People Daily)
بەيجىڭدەگى قازاق زيالىلارى 36 جىلدان بەرى ناۋرىز مەيرامىن تويلاپ كەلە جاتىر. بۇل تۋرالى «جەنمين جيباو» باسىلىمى جازادى.
بيىل دا سول داعدى بويىنشا 21 ناۋرىزدا ورتالىق ۇلتتار ۋنيۆەرسيتەتىندە قازاق ءتىل ادەبيەتى فاكۋلتەتىنىڭ ۇيىتقى بولۋىمەن ارنايى مەرەكەلىك كەش ۇيىمداستىرىلدى.
بۇل شارا بارىسىندا التاي ايماقتىق فيلارمونياسى ونەر كورسەتتى. سونىمەن بىرگە، قىتاي مەملەكەتتىك ءبىرىنشى دارەجەلى ءارتىسى ۋاڭ حۇڭۋەي مەرەكەلىك كەشكە ارنايى كەلىپ، قازاقتىڭ «سارىجايلاۋ» ءانىن ورىندادى.
«ۇلىس وڭ بولسىن، اق مول بولسىن! بارشاڭىزدى ناۋرىز مەرەكەسىمەن قۇتتىقتايمىن! 1982 -جىلدان باستاپ بەيجىڭدەگى قازاقتار ءداستۇرلى ناۋرىز مەرەكەسىن اتاپ ءوتىپ كەلەمىز. مىنە، بيىل 36 جىل تولىپ وتىر. العاشىندا تەك داستارحان باسىندا اتاپ وتەتىنبىز، جىلدان- جىلعا مەرەكەنىڭ اۋقىمى ۇلعايىپ كەلەدى. سوڭعى كەزدەرى شىڭجانداعى ىلە وبلىسىنا قاراستى ءۇش ايماقتان ارنايى ونەرپازدار كەلىپ مەرەكەلىك سالەم جولداۋدى داستۇرگە اينالدىردى» ، - دەيدى قىتايداعى بەلگىلى قازاق جازۋشىسى اكپار ءماجيت ۇلى.
***
وزبەكستان مەن تاجىكستان ۆيزا جەڭىلدىگى رەجيمىن ىسكە قوستى - TRT
وزبەكستان مەن تاجىكستان اراسىندا قول قويىلعان ەكى جاقتى ۆيزا جەڭىلدىگى كەلىسىمى ىسكە قوسىلدى. بۇل تۋرالى تۇركيا تەلە- راديو پورتالى حابارلادى.
وزبەكستان ىشكى ىستەر مينيسترلىگى جاساعان «وزبەكستان مەن تاجىكستان ازاماتتارىنىڭ ەكى جاقتى قارىم- قاتىناستار مەن ساپارلارىن قامتىعان ۇكىمەتارالىق كەلىسىمگە» ەكى ەل پرەزيدەنتتەرى تاراپىنان 9 - ناۋرىز كۇنى قول قويىلعان.
اتالعان كەلىسىم وزبەكستان پرەزيدەنتى شاۆكات ميرزيەيەۆتىڭ 9-10 ناۋرىز كۇندەرىندە تاجىكستانعا ۇيىمداستىرعان رەسمي ساپارى بارىسىندا بەكىتىلگەن بولاتىن.
كەلىسىم ەكى ەل ازاماتتارىنىڭ ەكى جاقتى 30 كۇندىك ءبىر- بىرىنە ۆيزاسىز قاتىناۋىن قامتيدى.
***
ۇلىستىڭ ۇلى تويى اقسايدا - قىتايدىڭ «ورتالىق حالىق راديوسى» (CNR)
كوكتەممەن بىرگە جەتكەن ناۋرىز مەرەكەسىنىڭ شاتتىعى شەتتەگى قانداستارىمىزدى دا ءبىر سەرپىلتىپ تاستادى. ۇلىق مەرەكەنى قىتايدىڭ گانسۋ ولكەسى اقساي قالاسىندا تۇراتىن قانداستارىمىز دا ەرەكشە اتاپ ءوتتى. قىتايدىڭ «ورتالىق حالىق راديوسىنىڭ» رەسمي سايتى اقسايدا وتكەن ناۋرىز مەرەكەسىن اۋقىمدى ەتىپ جازعان.
3 كۇنگە جالعاسقان مەرەكەلىك شارا، اقسايداعى ازياعا اتى جايىلعان ەڭ ۇلكەن قازاق كيىز ۇيىندە وتكىزىلگەن.
«ناۋرىزدىڭ كادەلى ءدامى بيداي كوجەدەن اقساقالدى اتالارىمىز بەن اقسامايلى انالارىمىز ءدام تاتىپ، ناۋرىزدىڭ داستۇرلەرىن جاڭعىرتتى. «اتاڭنان مال قالعانشا تال قالسىن» - دەگەندەي، اۋىلداعى اپالارىمىز بەن اتالارىمىز بۇلاق كوزىن اشىپ، اعاش ەگىپ، ەگىلگەن اعاشتىڭ بۇتاعىنا اق تامىزىپ، جاس جەتكىنشەكتەرىمىزدىڭ كوڭىلىنىڭ سۇتتەي- اق، كاسىپتەرىنىڭ جاپىراقتاي جايقالۋىن تىلەك ەتسە، ال قارت اپالارىمىز ناۋرىز كوجەنىڭ جاسالۋ بارىسىن، ناۋرىزدىڭ كەلۋ تاريحىن جاس جەتكىنشەكتەرگە ەگجەي- تەگجەيلى ءتۇسىندىردى» ، دەپ جازادى دەرەككوز.
اۆتور:ريزابەك نۇسىپبەك ۇلى
