اۆستراليادا جاعالاۋدان «قۇبىجىق بالىق» تابىلدى

 استانا. قازاقپارات - بالىق اۋلاۋدى قاداعالايتىن جەرگىلىكتى مەكەمەسىنىڭ حابارلاۋىنشا، بۇل كۆينسلەندتىك گرۋپەر بالىعى جانە ونى اۋلاۋعا قاتاڭ تىيىم سالىنعان، دەپ حابارلايدى Courier Mail باسىلىمى.

اۆستراليادا كۆينسلەند شتاتىنداعى جاعاجايعا بارعان ەرلى- زايىپتىلار ۇلكەن بالىق تاۋىپ العان.

«ونىڭ سالماعى شاشامەن 150 كەلى بولۋى كەرەك. ول وتە ۇلكەن بولدى» ، - دەيدى دجون ليندحولم.

الەۋمەتتىك جەلى قولدانۋشىلارى اراسىندا بۇل «قۇبىجىق بالىققا» قاتىستى ءارتۇرلى پىكىرلەر ايتىلدى. ءبىرى ونى ساۋساققاناتتى بالىقتار ىشىندەگى تسەلاكانتتەكتەس بالىقتار وتريادىنا جاتادى دەپ بولجاسا، ەندى ءبىرى ونىڭ گرۋپەر بالىققا جاتاتىنىن ايتتى.

بالىق اۋلاۋدى قاداعالايتىن جەرگىلىكتى ءبولىم ماماندارى كۆينسلەند مۇراجاي قىزمەتكەرلەرىمەن اقىلداسا كەلە، ەكىنشى نۇسقانىڭ دۇرىس ەكەندىگىن راستادى.

 

Baq.kz