استانالىق قىزدار ومىردەن جالعىز وتپەۋ ءۇشىن سەرىگىن ىزدەۋگە بەلسەندى تۇردە كىرىسكەن

None
None
استانا. قازاقپارات - ەلوردالىق ارۋلار 8- ناۋرىز مەرەكەسىن ءوزىنىڭ سۇيىكتىلەرىمەن اتاپ ءوتىپ جاتقاندا، جالعىزباستى قىزدار ءوز ماحابباتىن بەلسەندى تۇردە ىزدەستىرۋگە كىرىسكەن.

ولار ءاربىر 7 مينۋت سايىن سەرىگى اۋىسىپ وتىراتىن كەزدەيسوق كەزدەسۋلەرگە بارىپ جاتىر دەپ حابارلايدى NUR. KZ.

مەرەكە كۇندەرى سۇيىكتىلەرى جوق استانالىق بويجەتكەندەرگە ارنايى جابىق تۇردە وتەتىن اقىلى كەشتەر وتكىزىلىپ جاتىر. مۇنداي فورماتتاعى وتىرىستىڭ قوناعى بولۋ ءۇشىن 4000 تەڭگە تولەسەڭىز بولعانى.

اتاۋلى كەزدەسۋلەردىڭ ەرەكشەلىگى - كىم كىممەن ۋاقىت وتكىزەتىنىنەن بەيحابار بولادى.

ايتا كەتەيىك، كەزدەسۋ تەك 5-7 مينۋتقا سوزىلادى. ۋاقىت اياقتالعان سوڭ، كەلەسى ادام وتىرىپ تاعى دا جاڭا تانىستىق باستالادى.

ارنايى كەزدەسۋلەردى ۇيىمداستىرۋشىلاردىڭ ايتۋىنشا، مۇنداي كەزدەسۋگە كەلەتىن ادامدار ءتىزىمى الۋان ءتۇرلى بولماق. شامامەن 20 شاقتى ادام جينالعان سوڭ، ءبىر مەيرامحانادا جابىق فورماتتاعى كەش ۇيىمداستىرىلادى. الايدا قىزدار مەن جىگىتتەر سانى ءوزارا تەڭ ءتۇسۋى - شارت.

ولاردان باسقا مەيرامحانادا ەشكىم بولمايدى. ءاربىر قاتىسۋشىعا ءوزىنىڭ جەكەلەگەن رەتتىك ءنومىرى تابىستالادى.

قىزدار مەرەكەسى بولعان سوڭ، بويجەتكەندەر ۇستەل ۇستىندە وتىرادى. ال جىگىتتەر ءوز كەزەگىندە، 7 مينۋت سايىن ۇستەلدى الماستىرا كوشىپ جۇرەدى. ماقسات - بارىمەن تانىسىپ ۇلگەرۋ.

ازعانتاي ۋاقىت ىشىندە ادامدى بارىنشا تانىپ بىلۋگە تىرىسۋ كەرەك. كەش سوڭىندا قاتىسۋشىلار وزىنە ۇناپ قالعان ادام جايلى اقپارات تاستاپ كەتەدى. ەگەر ەكى ادام ءبىر-بىرىنە ۇناپ قالعان جاعدايدا، ۇيىمداستىرۋشىلار ولارعا ۇيالى تەلەفون نومىرلەرىن تابىستايدى.

جاستاردىڭ ارى قاراي كەزدەسۋلەرى ءوز قولدارىندا بولادى.

«مۇنداي ءىس-شارالار ماحابباتتارىن ءالى كەزىكتىرمەگەندەرگە كومەكتەسەرى ءسوزسىز»، - دەيدى ۇيىمداستىرۋشىلار.

سوڭعى جاڭالىقتار