اكسەسسۋارلار تاڭداۋ ەرەجەسى

استانا. قازاقپارات - ادەتتە ءسانقويلاردىڭ ەڭ ۇسقىنسىز كيىم ۇلگىسىنىڭ ءوزى ەگەردە ول تانىم مەن تالعامدى جايىنا قالدىرىپ، الەمدى ءوزىنىڭ سۇلۋلىعىمەن تاڭ قالدىرعىسى كەلسە، ونى جۇزەگە اسىرادى دا.

ءوزىڭىزدىڭ اسەرىڭىزدى بۇزاتىن جايتتار اكسەسسۋارلارمەن بايلانىستى قاتەلىكتەر بولىپ جاتادى. سوندىقتان دا ءسوز سول جايىندا بولماق.

كوپشىلىك ولاردى ۇساق-تۇيەك دەپ، ەسكەرە بەرمەيتىندىگى انىق. ءبىراق، كيىمدە جالت-جۇلت ەتەتىن اشەكەيلەردىڭ بولماۋى ونى تارتىمسىز، كوز تارتارلىقسىز ەتىپ كورسەتەدى. ال كيىمگە سايكەس كەلمەي جاتسا، وندا ونى ارزان، ءتىپتى كەيدە تالعامسىز كورىنۋىنە تۇرتكى بولادى.

سوندىقتان دا قۇربىلارىڭنىڭ اراسىندا تۇسىنىكسىز جىلتىراۋىق زاتتار جاپپاي ىلىنگەن جاڭا جىلدىق شىرشا سياقتى ەمەس، تالعامى زور، ءستيلدى حانىم بولىپ كورىنگىسى كەلگەندەرگە ارنالعان اكسەسسۋارلاردى تاڭداۋ ەرەجەسى بار.

اكسەسسۋارلارعا مىنالار جاتادى: سىرعالار، مونشاقتار، ساقينالار، براسلەتتەر، ياعني بيجۋتەريالار، قۇندى زاتتار، ساعات، شارف پەن مويىنعا تاعاتىن ورامال، باس كيىم، بەلدىك، قولعاپ، قولشاتىر جانە سومكە.

اكسەسسۋارلاردىڭ كومەگىمەن ءبىر كيىمدى ءىس جۇزىندە ادام تانىماستاي كەيىپكە ءتۇسىرىپ، مۇلدەم جاڭا بەينەلەر جاساۋعا بولادى.

اكسەسسۋارلاردى تاڭداۋ ەرەجەسى ايتا قويارلىقتاي كوپ تە ەمەس جانە ولار بارىنشا قاراپايىم. نەگىزگىلەرى مىنالار:

1. بارلىق اكسسەسۋلارلار كيىم ۇلگىسىمەن ۇيلەسىمدى بولۋى ءتيىس. ياعني، بلۋزكانىڭ، كوفتانىڭ نەمەسە كويلەكتىڭ جىرىقتارىنا نازار اۋدارۋ قاجەت. قايىقشا تۇرىندەگى جىرىققا ءتورتبۇرىشتى نەمەسە اسيممەتريالى جىرىققا كەلە بەرەتىن اكسەسسۋارلار جاراسا بەرمەيدى.

2. ءوزىڭنىڭ ءتۇرىڭدى (تەرى ءتۇسى، شاش)، ءمۇسىن ءپىشىنىڭدى، بويىڭدى، بەت- الپەتىڭدى ەسكەرگەن ءجون. ەگەر قىز كىپ- كىشكەنتاي ەلفكە ۇقسايتىن بولسا جانە «تاۋىقتىڭ جۇمىرتقاسىنداي» اشەكەي تاعىپ الاتىن بولسا، وندا ول ۇيلەسىمسىز گوبلين سياقتى كورىنەدى. كەرىسىنشە، دەنەلى ءارى بويشاڭ قىزدارعا ۇساق اشەكەي جاراسپايدى، ونى تاقسا الىپ ادام بولىپ كورىنەدى. قانداي جاعدايدا بولماسىن بۇل ءار ۋاقىتتا دا كۇلكىلى كورىنەدى.

3. اكسەسسۋارلار تاڭداپ الىنعان كيىمنىڭ ستيلىنە ساي بولۋى ءتيىس. سونىمەن قاتار ماتانىڭ قۇرامىتسن دا ەسكەرگەن ءجون. كەشكى كويلەككە سايتتا كورسەتىلگەندەي اشىق ءتۇستى پلاستماسسا براسلەتتەن گورى نازىك التىن سىرعا مەن وعان ساي كەلەتىن القا ۇيلەسىمدى.

4. بارلىق اكسەسسۋارلار ءبىر-بىرىنە سيپاتى بويىنشا ساي كەلۋى ءتيىس. بيجۋتەريا مەن زەرگەرلىك زاتتاردى بىردەي وبرازدا الماستىرعان ءجون. التىن مەن كۇمىس تە ءبىر- بىرىمەن ۇيلەسە بەرمەيدى.

5. جاڭبىرلى كۇنى قالپاق كيۋ قيسىنسىز - اكسەسسۋارلار اۋا رايى جاعدايىنا جانە ماۋسىمعا ۇيلەسىمدى بولۋى قاجەت.

6. اكسەسسۋارلاردى تاڭداۋ بارىسىندا ءبىر كەيىپتە ۇشتەن ارتىق ءتۇستىڭ بولماعانى ءجون ەكەندىگىن قاپەردە ۇستاڭىز. كلاسسيكالىق نۇسقادا ءبىرىنشى ءتۇس نەگىزگى، ال ەكىنشىسى ءبىرىنشىسىن كۇشەيتە تۇسەدى، ءۇشىنشىسى اشىق ءتۇستى اكسەنت سانالادى. اشەكەي دە ۇشتەن ارتىق بولماعانى ءجون.

ەكى قولعا دا ەكىدەن ساقينا، القا، سىرعا، براسلەت جانە شاشقا تۇيرەۋىش كيىپ الۋ دا جاقسى كورۋگە تالپىنىستىڭ بارلىعىن ءاپ-ساتتە قۇردىمعا جىبەرە الادى.

7. اكسەسسۋارلاردىڭ ۇيلەسىمدىلىگى ماڭىزدى ءرول وينايدى. ەش ۋاقىتتا دا قايدا جانە نە ءۇشىن ولاردىڭ تاڭداپ الىناتىندىعىن جانە سوڭعى ناتيجەسىن كىمدەردىڭ كورەتىندىگىن قاپەردەن شىعارماۋ كەرەك. جۇمىستاعى باستىعىڭىز ىسكەرلىك كوستيۋم كيىپ ءرۋبينى بار ساقينا تاعىپ الساڭىز، تۇسىنبەۋى مۇمكىن. جالت-جۇلت ەتكەن كويلەككە جالت- جۇلت ەتكەن اكسەسسۋارلار دا ۇيلەسپەيدى - كەيىپىڭىز اۋىر ءارى ورەسكەل كورىنەدى.

8. بارلىق اقشانى اكسەسسۋارعا جۇمساۋ دا مىندەتتى ەمەس، ءبىراق ولار كيىمنەن قاراعاندا ارزانقول كورىنبەۋى دە وتە ماڭىزدى. تابيعي تەرىدەن تىگىلگەن ادەمى تونعا دەرمانتين سومكە ساتىپ الۋ جاقسى يدەيا ەمەس.

بۇل كەڭەستەردىڭ بارلىعى دا قولايسىزداۋ كورىنگەنىمەن، ءىس جۇزىندە جۇزەگە اسىرۋ تەز ءارى جەڭىل. ولار تاماشا اسەر سىيلايدى، كەيپىڭىز قىزىقتى، جەڭىل بولا ءتۇسىپ، كوڭىل- كۇيدى كوتەرەدى، ستيل بەرەدى. ويتكەنى، ءسان الەمنىڭ بارلىق ترەندتەرى قالتاڭىزعا، تالعامىڭىزعا نەمەسە تابيعي كەلبەتىڭىزگە ساي كەلە بەرمەيدى. ءبىراق، ستيل ونىڭ يەلەنۋشىنى ەستە قالۋعا جانە بارلىق ۋاقىتتا دا وزەكتى بولۋعا كومەكتەسەدى. ءتىپتى كوكو شانەلدىڭ ءوزى دە «ءسان كەتەدى، ال ستيل قالادى» دەپ ايتقان بولاتىن.

 

دەرەككوزى: "جەنسكوە سچاستە"