قازاقستان پوليتسياسىنداعى ەڭ سۇلۋ قىزمەتكەر انىقتالدى

جەڭىمپازدى ماراپاتتاۋ بۇگىن، 8 ناۋرىز - حالىقارالىق ايەلدەر كۇنى مەرەكەسى قارساڭىندا ءوتتى. قر ىشكى ىستەر ءمينيسترى قالمۇحانبەت قاسىموۆ فوتوبايقاۋدىڭ گران- پري يەگەرىن ارنايى قۇتتىقتادى.

جانبوتا قاريبەكوۆا قاراعاندى وبلىسىنىڭ جاڭارقا اۋدانىنىڭ تۋماسى. اۋىل مەكتەبى مۇعالىمدەرىنىڭ وتباسىندا دۇنيەگە كەلگەن ول، ۇيدەگى 7 بالانىڭ ۇلكەنى.

2017 -جىلى قازاق مەملەكەتتىك زاڭ ۋنيۆەرسيتەتىن بىتىرگەن. جوعارى وقۋ ورنىن بىتىرە سالىسىمەن استانا قالالىق اۋەجايىنداعى ج ءى ءى ب اكىمشىلىك پوليتسيا بولىمىنە كامەلەتتىك جاسقا تولماعانداردىڭ ءىسى جونىندەگى ينسپەكتور لاۋازىمىنا جۇمىسقا قابىلدانعان. قازىرگى ۋاقىتتا پوليتسيا اعا لەيتەنانتى قاريبەكوۆا سول بولىمدە اعا ينسپەكتور بولىپ جۇمىس ىستەيدى. ىشكى ىستەر ورگاندارىندا جۇمىس ىستەگەن ەكى جىلدىڭ ىشىندە ءوزىن بايىپتى، جاۋاپتى قىزمەتكەر رەتىندە كورسەتە ءبىلدى.

قازاقستان پوليتسياسىنىڭ ارۋى قولى بوس ۋاقىتتا اعىلشىن ءتىلىن ۇيرەنىپ، سۋرەت سالادى، فيتنەسپەن اينالىسادى. الداعى ۋاقىتتا ماگيستراتۋرا باعدارالماسىمەن وقۋىن جالعاستىرۋ جوسپارىندا بار. سونىمەن قاتار ول قىلمىستىق ىزدەستىرۋ بولىمىندە جۇمىس ىستەگىسى كەلەدى.