ادامدار نەگە ارتىق سالماقپەن كۇرەسا المايدى - پسيحولوگ جاۋابى
ونىڭ ايتۋىنشا، ارىقتاۋ ءۇشىن تاماقتانۋ ادەتتەرىن وزگەرتۋ جانە فيزيكالىق بەلسەندىلىكتى ارتتىرۋ سياقتى فاكتورلار ماڭىزدى ءرول اتقارادى.
پسيحولوگ كوپتەگەن ادامداردىڭ سالماق تاستاۋى ءۇشىن ديەتولوگتار مەن جاتتىقتىرۋشىلاردىڭ كەڭەستەرى جەتىپ جاتىر. ال، باسقا ساناتقا -دۇرىس تاماقتانىپ، دەنە شىنىقتىرۋمەن اينالىسسا دا، ارىقتاي المايتىندار كىرەدى. مۇنداي جاعدايدا پسيحولوگيالىق كومەك قاجەت.
«كوپ جاعدايدا ادامداردىڭ سالماق قوسۋىنا بالا كەزدە تاماق ىشۋگە قويىلعان شەكتەۋ سەبەپ بولادى. مەن ءبىر ايەلمەن جۇمىس ىستەدىم، ول جاسءوسپىرىم كەزەڭىندە گورمونيالىق وزگەرىستەرگە بايلانىستى كوپ سالماق قوسقان. وعان ديەتا ۇسىنىپ، اناسى ونىڭ راتسيونىن قاتاڭ قاداعالاپ وتىرعان. ايەل وسى ءۇشىن اناسىنا رەنجىپ، وعان بىلدىرتپەي تاماق ىشكەنىن ەسىنە الدى. سونىڭ سالدارىنان ەسەيە كەلە ول ايەلدە «مەنەن تاماقتى الىپ قويماي جاتىپ، تويعانىمشا جەيمىن» دەگەن سەنىم قالىپتاسقان. بۇل وي ەلەگىنەن وتپەگەن ارەكەت»، - دەدى پسيحولوگ.
كۇيەۋىمەن ۇرىسىپ قالعان نەمەسە كۇيزەلىستى باستان وتكەرىپ جۇرگەن كەيبىر ايەلدەردە دە وسىنداي جاعداي بولادى.
«ەگەر قارىم-قاتىناستا قانداي دا ءبىر ماسەلە بولسا، ادام سالماقتى بەيسانالى تۇردە ۇرەيدى باسىپ، ءوزىن قاۋىپسىز سەزىنۋ ءۇشىن سالماق قوسا باستايدى. ولار وزدەرىن ارىق كۇيدە قورعانسىز سەزىنەدى. مۇنداي جاعدايدا پسيحولوگتاردىڭ كومەگىنە جۇگىنگەن ءجون»، - دەدى د. اگاپوۆ.
تاعى ءبىر وزەكتى ماسەلە - انورەكسيا.
«ىشكى سەنىمسىزدىك، ءوز دەنەسىن قابىلداي الماۋ، قوعامدىق پىكىرگە تاۋەلدىلىك - انورەكسيانىڭ سەبەپتەرى. مۇناي جاعداي كوبىنەسە تاماق ماسەلەسىنە قاتىستى تۋىنداپ جاتادى. ءوز كەمشىلىكتەرىن قابىلداي المايتىن ادامدار جۇمىستى قيىنداتادى»، - دەپ اتاپ ءوتتى پسيحولوگ.
د. اگاپوۆ مۇنداي اۋرۋعا كوبىنەسە جاس ءوسپىرىم قىزداردىڭ ۇشىرايتىنىن ايتتى.
«ءوزىن، ءوز دەنەسىن سۇيە ءبىلۋ ماڭىزدى. ادامدار ءوزىن سۇيە بىلگەندە عانا ءوز دەنەسىنە قۇرمەتپەن قارايدى. بارلىق بەرىلگەن كەڭەستەردى وزدىگىنەن ورىنداپ، باستى قاعيدانى - زيان كەلتىرمەۋدى ۇستانادى»، - دەدى مامان.
