كىمدەر وقۋلىق اۆتورى بولا الادى
«بۇگىندە وقۋلىق اۆتورى دەگەن ماماندىق جوق. سوندىقتان وقۋلىقتاردى دايىنداۋمەن، وقۋلىقتاردىڭ مازمۇنىمەن ەڭ ءبىرىنشى كەزەكتە عالىمدار اينالىسادى. ولار وقۋلىق مازمۇنىن تەوريالىق تۇرعىدا عىلىمي نەگىزدەيدى. سونىمەن قاتار وقۋلىقتاردى دايىنداۋىمەن بارلىق پاندەر بويىنشا تاجىريبەسى بار پراكتيك مۇعالىمدەر دە اينالىسادى» ، - دەدى ول ب ا ق وكىلدەرىنىڭ ساۋالىنا وراي.
بۇدان باسقا دەپارتامەنت باسشىسى ايماقتانۋ وقۋلىعىنىڭ مازمۇنىنا دا توقتالدى.
«بۇل وقۋلىق «رۋحاني جاڭعىرۋ» باعدارلاماسى اياسىندا اعىمداعى جىلى ساراپتاماعا ءتۇسىپ وتىر. ءاربىر ءوڭىر ءوز ايماقتارى بويىنشا وقۋلىق اۆتورى بولىپ تابىلادى. ايتا كەتەرلىگى، 20 ساعاتقا ءار ءوڭىردىڭ گەوگرافياسى، مۋزىكاسى مەن تاريحى ەنىپ وتىر» ، - دەدى شولپان كارينوۆا.
ونىڭ ايتۋىنشا، قاسيەتتى جەرلەردىڭ ءتىزىمىن ءاربىر ءوڭىردىڭ ساراپشىلارى دەربەس ايقىندايتىن بولادى.
«سوندىقتان اتالعان وقۋلىققا قانداي قاسيەتتى جەردىڭ كىرەتىندىگىن وبلىستار ايقىندايدى. بۇل نورمالار وقۋ باعدارلاماسىن ايقىنداۋ بارىسىندا نەگىزگى الىنۋى ءتيىس. بۇگىنگى كۇنى باعدارلامانى ايقىنداۋ جۇمىستارى جالعاسىپ جاتىر» ، - دەدى دەپارتامەنت باسشىسى.
