جۇمىسسىز ەر ادام ۇيالشاقتىعىنىڭ كەسىرىنەن تۇرمەگە ءتۇستى

None
None
 استانا. قازاقپارات - 42 جاستاعى جۇمىسسىز ەر ادام ۇيالشاقتىعى ءۇشىن قاماۋعا الىندى. ول مەملەكەتتىك جۇمىسپەن قامتۋ ورالىعىنا ءبىر كۇندە 159 رەت تەلەفون سوعىپ، جۇمىسسىز ەكەنىن ايتا الماعان.

بۇل تۋرالى SoraNews24 جازدى، دەپ حابارلايدى Stan.kz. وقيعا جاپونيانىڭ حيگاسيماتسۋسيما قالاسىندا بولعان.

بارلىق 159 قوڭىراۋ ءبىر كۇندە سوعىلعان. ەر ادام ساعات 15:30 دان كەشكى 17:00 گە دەيىن قوڭىراۋ شالعان. جۇمىسپەن قامتۋ ورتالىعىنىڭ قىزمەتكەرلەرى تەلەفون تۇتقاسىن كوتەرسە، ەر ادام ەشتەڭە ايتا الماعان.

پوليتسيانىڭ ايتۋىنشا، ەر ادام كورشى قالادان حابارلاسقان. تەكسەرۋ بارىسىندا بارلىق قوڭىراۋ تەك سول ادامنىڭ تەلەفونىنان سوعىلعانى بەلگىلى بولدى.

قاماۋعا الىنعان ەر ادام بىردەڭە ايتقىسى كەلگەنىن، ءبىراق ناقتى جەتكىزە الماعانىن ءتۇسىندىردى.

جاپوندىق جەلى قولدانۋشىلارى بۇل وقيعانىڭ سەبەبى «ەر ادامنىڭ ۇيالشاقتىعىندا» دەگەن باعا بەردى.

ولاردىڭ ءبىرى «ونىڭ ادامدارمەن سويلەسكەندە اقاۋى بار شىعار» دەسە، ءبىرى «ونى تۇرمەگە جاپقاننىڭ ورنىنا پسيحوتەراپيەۆتكە كورسەتۋ كەرەك» دەپ جازعان.

سوڭعى جاڭالىقتار