تەلەفونعا تاۋەلدىسىز بە؟

 ودان بەرى بىرنەشە جىل وتسە دە، تەلەفوننىڭ جاساپ جاتقان وزگەرىستەرى ادام بالاسىنىڭ بارلىعىنا ۇنايدى دەگەن شەشىمگە ءالى كەلە قويمادىق. ءبىز ءوزىمىزدىڭ بوس ۋاقىتىمىزدىڭ جوعىن سەزەمىز، ءبىراق ءتيىمدى جولدار ارقىلى ەمەس ەكەنىن جاقسى بىلەمىز. ءبىر- بىرىمىزبەن ىلعي بايلانىستا سەكىلدىمىز. دەگەنمەن، جالعىزدىقتى سەزىنەمىز. بىزگە ەركىندىك سىيلاعان تەحنولوگياعا بايلانىستى ساۋالدار تۋا قالسا، ويىمىز سان جاققا جۇگىرەدى: گادجەتتەرمەن ءومىرىمىزدى بايلانىستىرعان سايىن باسقارۋ جۇيەسى كىمنىڭ قولىنا ءوتىپ بارا جاتىر؟ ادام الدە تەحنولوگيا؟

 1. سمارتفون سىزگە نە ءۇشىن كەرەك؟ ادامداردىڭ كوبى سمارتفونعا ۋاقىتتى از جۇمسايمىن دەپ جوسپارلاعانىمەن، ونى قالاي ىسكە اسىرۋ كەرەكتىگىنەن بەيحابار. بارلىعىنىڭ ءوز ۋاقىتى بولادى. سمارتفوندى قولدانۋدى توقتاتۋ ءۇشىن، وزىڭىزگە ءتيىمدى جانە ءتيىمسىز تۇستارىن جازىپ شىعىڭىز. ەگەر مۇمكىندىگىڭىز بولسا، جاعىمسىز ادەتتەردى بىرتە- بىرتە جويۋعا تىرىسىڭىز.

 2. تەلەفونعا قانشا ۋاقىت جۇمسايسىز؟ قازىر ءتۇرلى باعدارلاما مەن قوسىمشا بار. سولاردىڭ ءبىرىن ۇيالى تەلەفونىڭىزعا ورناتىپ الىپ، قانشا ۋاقىت ونلاين رەجيمدە ءومىر سۇرەتىنىڭىزدى ءبىلىڭىز. قانشا ۋاقىتىڭىزدىڭ تەككە كەتىپ جاتقانىن كورگەن كەزدە كوڭىلىڭىز قالۋى مۇمكىن. ەسەسىنە، سىزگە موتيۆاتسيا بەرەتىن، ءسىزدى العا جەتەلەيتىن كومەكشى بولارى انىق.

 3. بوس ۋاقىتىڭىزدى نەگە ارناعىڭىز كەلەدى؟ ليفتتە نەمەسە كەزەكتە تۇرعاندا بوس ۋاقىتىڭىز بولادى. قولىڭىزعا ۇيالى تەلەفون الماي، ونىڭ ورنىنا ويلانىڭىز. كەشكى ۋاقىتتا نە ىستەۋگە بولادى؟ كىتاپ وقىعىڭىز كەلسە، ونى كورۋ ايماعىنا قويىڭىز. سول كەزدە عانا وعان نازارىڭىز اۋادى.

 4. وففتايم قوسىمشالاردى ىسكە قوسىڭىز انتيۆيرۋس سەكىلدى، ءسىزدىڭ تەلەفونعا تاۋەلدىلىكپەن كۇرەسۋگە مۇمكىندىك بەرەتىن Freedom, OFFTIME نەمەسە Flipd سەكىلدى قوسىمشالار بار. بۇلاردى ىسكە قوسساڭىز، وزگە قوسىمشالارعا، ۆەب- سايتتارعا كىرۋ مۇمكىن ەمەس.

 5. ۇيالى تەلەفونداعى الەۋمەتتىك جەلى قوسىمشالارىن ءوشىرىڭىز الەۋمەتتىك جەلىگە تەك كومپيۋتەر كومەگىمەن كىرۋگە تىرىسىڭىز. ارينە، قيىنعا سوعارى انىق. دەگەنمەن، ءسىزدى سمارتفونعا تاۋەلدى ەتكەن باستى دەرت -  الەۋمەتتىك جەلى. سمارتفون ينتەرنەتسىز قىزىق ەمەس. ءبىراق، الەمدە ينتەرنەتتەن دە قىزىق دۇنيەلەر بارىن ەستەن شىعارماڭىز!

Massaget.kz