قازاقستاننىڭ ەڭبەك سىڭىرگەن قايراتكەرى، «ەگەمەننىڭ قارا نارى» اتانعان ەرجۇمان سمايىل ومىردەن وزدى

None
None
استانا. قازاقپارات - پرەزيدەنت سىيلىعىنىڭ تۇڭعىش لاۋرەاتى، قازاقستاننىڭ ەڭبەك سىڭىرگەن قايراتكەرى «ەگەمەن قازاقستان» گازەتىندە باس رەداكتور قىزمەتىن اتقارعان ەرجۇمان سمايىل ومىردەن وزدى،

 دەپ حابارلايدى «قازاقپارات» ح ا ا ءتىلشىسى.

قايعىلى قازا تۋرالى «ەگەمەن قازاقستان» ا ق باسقارماسىنىڭ ءتوراعاسى دارحان قىدىرالى فەيسبۋكتەگى پاراقشاسىندا جازدى.

«ەگەمەن قازاقستان» ۇجىمى بۇگىن اۋىر قايعىعا ۇشىرادى. ەل گازەتىن ەكى رەت باسقارعان، «ەگەمەننىڭ قارا نارى» اتانعان ەر- اعا - ەرجۇمان اعا سمايىل بۇ فانيدەن باقيعا اتتانعانى تۋرالى سۋىت حابار ەستىدىك. كوڭىل قۇرعىر سەنە المايدى. جىل باسىندا ەگەمەندىكتەر ەر- اعانىڭ 70 دەگەن مەرەيلى جاسىن ارنايى اتاپ ءوتىپ ەدى. بىرەر كۇن بۇرىن عانا ءبىر داستارحان باسىندا باس قوسىپ، ارقا- جارقا اڭگىمەلەسىپ ەدىك. قارالى حاباردى ەستىپ، ەسەڭگىرەپ قالدىق. مارقۇمنىڭ وتباسىنا، بالالارىنا، جاقىندارىنا كوڭىل ايتامىز. اعامىزدىڭ يمانى جولداس بولسىن! باقۇل بول، اعا!» - دەپ جازادى دارحان قىدىرالى.

ەرجۇمان سمايىل ەڭبەك جولىن «سوتسياليستىك قازاقستان» (قازىرگى «ەگەمەن قازاقستان») گازەتىنىڭ ءتىلشىسى بولىپ باستاعان. 2003-2010 -جىلدارى «ەگەمەن قازاقستان» رەسپۋبليكالىق گازەتى» اشىق اكسيونەرلىك قوعامىنىڭ پرەزيدەنتى، ۆيسە- پرەزيدەنتى قىزمەتىن اتقارعان. قازاق ك س ر جوعارعى كەڭەسىنىڭ قۇرمەت گراموتاسىمەن ماراپاتتالعان.

اۆتور: ايان بەكەن ۇلى

سوڭعى جاڭالىقتار