الماتىدا ءبىر جاسار قىزدىڭ اتا-اناسى ىزدەستىرىلۋدە - فوتو

ءبىراق سول كۇيى ورالماعان، دەپ حابارلايدى قازاقپارات patrul.kz سايتىنا سىلتەمە جاساپ.

№2 -قالالىق كلينيكالىق بالالار اۋرۋحاناسىنا 2017 -جىلى تۋعان قىز بالا جەتكىزىلدى.

ءتارتىپ ساقشىلارى ءمالىم ەتكەندەي، پوليتسياعا بالانىڭ كۇتۋشىسى ارىزدانعان. ايەلدىڭ سوزىنشە، 2017 -جىلدىڭ قازان ايىندا قىزدىڭ اناسى ازداعان ۋاقىتقا جول ءجۇرۋى تيىستىگىن ايتقان. كۇتۋشىگە ءوزى كەلگەنشە ەڭبەكاقىسىن تولەپ بەرۋگە ۋادە ەتكەن. الايدا، بالانىڭ اناسى سول كۇيى قايتىپ كەلمەگەن.

كۇتۋشىنىڭ قولىندا بالانىڭ تۋۋ تۋرالى كۋالىگى بار. ءسابي تاراز قالاسىندا تۋعان. سونداي-اق وندا اتا-اناسى تۋرالى مالىمەتتەر كورسەتىلگەن. اناسى - وزبەكستان تۋماسى.

بالالار اۋرۋحاناسىنىڭ دارىگەرلەرى قاجەتتى بارلىق تەكسەرۋلەردى وتكىزدى. قىزدىڭ دەنساۋلىعىنان ەش كىنارات تابىلمادى.

پوليتسيا قىزمەتكەرلەرى بالانى تانىعان نەمەسە ونىڭ اتا-اناسى تۋرالى قانداي دا ءبىر مالىمەت بىلەتىن ازاماتتاردان 2765800 نەمەسە «102» نومىرىنە حابارلاسۋدى سۇرايدى.