استانادا ورتالىق ازيا ەلدەرىنىڭ باسشىلارى باس قوسادى

 استانا. قازاقپارات - ەۋروپالىق وداق ورتالىق ازيا ەلدەرى باسشىلارىنىڭ استانادا باس قوسۋى تۋرالى ۇسىنىستى ماقۇلدادى، دەپ حابارلايدى قازاقپارات ءتىلشىسى.

«ورتالىق ازيا ەلدەرىنىڭ كوشباسشىلارى استانادا كەزدەسەدى. قاتەلەسپەسەم، بۇل كەزدەسۋ ناۋرىز ايىندا وتەدى. پرەزيدەنتتەر وڭىرلىك ىنتىماقتاستىقتى نىعايتۋ جانە ونداعى سىن- تەگەۋرىندەر ماسەلەسىن تالقىلايدى. ءبىز دە بۇل شەشىمدى ماقۇلدايمىز، ولار سەرىكتەستەردەن تىس، باسىمدىقتاردى ءوزارا تالقىلاۋى ءتيىس. بالكىم، ولار سىن- قاتەرلەردى ەڭسەرەتىن وزدەرىنىڭ وڭىرلىك ستراتەگيالارىن ازىرلەيدى"، - دەدى ورتالىق ازيا بويىنشا ە و وكىلى پەتەر بۋريان حالىقارالىق قاتىناستاردىڭ 25 جىلدىعىنا ارنالعان كەزدەسۋدە.

ەلشى ورتالىق ازيانىڭ ينۆەستيتسيالار مەن ساۋدا ءۇشىن تارتىمدى جانە الەۋەتتى نارىققا اينالىپ كەلە جاتقانىن اتاپ ءوتتى. بۇل ءوڭىر - ازيا مەن ەۋروپانىڭ اراسىن جالعايتىن ماڭىزدى ستراتەگيالىق ورىن.

پ. بۋرياننىڭ پىكىرىنشە، ەو نەگىزگى مۇددەسى - ورتالىق ازيانىڭ قاۋىپسىزدىگى مەن تۇراقتىلىعى.

«ءبىز ورتالىق ازيانىڭ گۇلدەنۋىن قالايتىنداردىڭ بارىمەن ىنتىماقتاستىق ورناتۋعا دايىنبىز. ەو ورتالىق ازيا ەلدەرىنىڭ ەكونوميكاسىن وزگەرتۋ مەن جاڭعىرتۋعا كومەكتەسە الادى. (.. .) جاڭعىرتۋ ءبولىمى بويىنشا ناعىز سەرىكتەس بولعىڭىز كەلەدى"، - دەپ ءوز ءسوزىن تولىقتىردى پەتەر بۋريان.

  

ايجان سەرىكجان قىزى