10:14, 22 - اقپان 2018 | GMT +5
سەمەيدە دالادا قالعانداردى پاناسىنا الاتىن انالار ۇيىندە ۇيلەنۋ تويى بولدى - فوتو
استانا. قازاقپارات - ديداراي توي كۇنىندە دە بالاسىن جانىنان تاستامايدى. ءبىر كەزدەرى بۇل سابيىنەن اكەسى دە، جاقىندارى دا باس تارتقان ەدى، دەپ حابارلايدى ك ت ك.
اكەسى بالاسىنان باس تارتقان سوڭ قىزعا جاقىندارى دا تۇسىك تاستاۋعا كەڭەس بەرگەن. الايدا بويجەتكەن بالاسىن ومىرگە اكەلۋگە بەل بايلايدى.
«قازىرگى جولداسىم مەنى بالاممەن بىرگە قابىلدادى. ءبىرىنشى كورگەننەن بالامدى ءوز بالاسىنداي كورەتىنىن، ءوزىنىڭ عانا بالاسى بولاتىنىن ايتتى»، - دەيدى كەلىنشەك.
ديداراي مەن ەرسىن ورتاق تانىسى ارقىلى تانىسقان. كەيىنەن تانىستىعى سەزىمگە ۇلاسىپ، ۇيلەنۋدى جوسپارلادى.
«ديداراي 20 جاسىنا كوپ قيىنشىلىق كوردى. ونداي قيىندىقتى ۇلكەن جاستاعى ادامدار دا ءومىر بويى كورمەگەن بولۋى مۇمكىن. ديدارايدىڭ باقىتتى ءجۇزىن كورىپ، ءوزىم دە كەرەمەت كۇي كەشتىم»، - دەيدى انالار ءۇيىنىڭ كوورديناتورى ايناگۇل نۇرتازينا.
