الماتىدا بىرنەشە رەت اۋدارىلعان قىمبات كولىك يەسى وقيعا ورنىنان قاشىپ كەتتى - فوتو

الماتى. قازاقپارات - الماتىنىڭ ىقشام اۋداندارىنىڭ بىرىندە جول اپاتى بولىپ، قىمبات كولىك جۇرگىزۋشىسى وقيعا ورنىنان قاشىپ كەتتى، دەپ حابارلايدى قازاقپارات ءتىلشىسى.

جول اپاتى مومىش ۇلى مەن قابدولوۆ كوشەلەرىنىڭ قيىلىسىندا بولعان. وقيعاعا كۋا بولعانداردىڭ ايتۋىنشا، BMWX6 ماركالى كولىك مومىش ۇلى كوشەسىمەن سولتۇستىك باعىتتا، تويوتا كارينا قابدولوۆ كوشەسىمەن شىعىس باعىتتا كەلە جاتقان.

بەلگىسىز سەبەپتەرمەن ەكى كولىك جول قيىلىسىندا سوقتىعىسىپ، تويوتا كارينا سىرعاناپ بارىپ، مومىش ۇلى كوشەسىندەگى جولعا توقتاعان. ال BMWX6 بىرنەشە رەت توڭكەرىلىپ بارىپ، باعدارشامعا سوعىلعان. قاتتى سوققىدان جول جيەگىنە شىعىپ قالعان.

جول اپاتىنان تويوتا كارينا كولىگىنىڭ جۇرگىزۋشىسى زارداپ شەگىپ، اۋرۋحاناعا جەتكىزىلدى. BMWX6 جۇرگىزۋشى بولسا وقيعا ورنىنان قاشىپ كەتكەن.