تاڭ قالدىرعان تەڭىز جۇلدىزدارى

 استانا. قازاقپارات - جولىڭىز ءتۇسىپ تەڭىز نەمەسە مۇحيت جاعالاۋلارىنا بارا قالساڭىز مىندەتتى تۇردە تەڭىز جۇلدىزدارىن كورەسىز. ولار ءتۇرلى كولەمدە جانە ءتۇرلى تۇستە كەزدەسەدى.

 PRSB باسىلىمىندا كولەمدى زەرتتەۋ ماقالا جارىق كوردى. ماقالاعا ۇڭىلسەك، تەڭىز جۇلدىزدارىنىڭ كوزى بار ەكەنىنە، ولاردىڭ تۇندە دە كورە الاتىنى تۋرالى اقپاراتقا كوز جەتكىزەسىز. تەڭىز جۇلدىزى سىرت كوزگە تەڭىز جاندىكتەرىمەن قورەكتەنىپ قانا وتىرعان ماقۇلىق رەتىندە كورىنۋى مۇمكىن. انىعىندا مۇلدە ولاي ەمەس. بىرگە كوز جۇگىرتەيىك. تەڭىز جۇلدىزدارىنىڭ كوبىسىندە ىشكى كوزدەرى بولادى. ول كوز بىرنەشە قابىرشاق قاباتتاردان جانە لينزادان تۇرادى. ءار قابىرشاقتاعى لينزالار كوز الدىنداعى بەينەنى بارىنشا تۇنىق قىلىپ كورسەتەدى.

تروپيكالىق تەڭىز جۇلدىزدارى كەيبىر جان- جانۋارلار كورمەيتىن جاقىن جانە الىس قاشىقتىقتاعى بەينەلەردى كورە الادى. عالىمداردىڭ زەرتتەۋىنشە، تەڭىز جۇلدىزدارىنىڭ جوعارىدا ايتىپ وتكەن ىشكى كوزدەرى سۋ استىندا جاتىپ، 1 ك م قاشىقتىقتاعى سۋ بەتىندەگى كۇن ساۋلەسىن انىق كورۋگە بەيىمدەلگەن. ال كەيبىرى تەڭىزدىڭ تۇڭعيىق تۇبىندە جاتىپ تا كورە الادى، ءبىراق ولاردىڭ كوزدەرى انىق كورمەيدى، سەزۋ مۇشەلەرى سەزىمتال بولىپ كەلەدى.

 تەڭىز جۇلدىزدارىن قولىڭىزعا الساڭىز كەم دەگەندە بەس جاققا سوزىلىپ جاتقان اياقتارىن بايقايسىز. بۇل ولار ءۇشىن اياق جانە قولدىڭ قىزمەتىن بىردەي اتقارادى. مىنا قىزىققا قاراڭىز، تەڭىز جۇلدىزدارى وزدەرىنىڭ جاۋلارىمەن ارپالىسقان كەزدە ءبىر اياقتارىن الدىرىپ قويۋى مۇمكىن (جەپ قويادى) . وسى كەزدە تەڭىز جۇلدىزى قالعان اياعى امان قالۋ ءۇشىن قاشۋعا تىرىسادى. ال جەلىنىپ قالعان اياق قايتادان جاڭارىپ، ءوسۋ ۇردىسىنە تۇسەدى. ءبىر سوزبەن ايتقاندا، رەگەنەراتسيا بولادى.

Massaget.kz