سۇندەتكە وتىرعىزعانى ءۇشىن سوتتالىپ كەتۋى مۇمكىن

 استانا. قازاقپارات - يسلانديا مەملەكەتىنىڭ بيلىگى بالالاردى سۇندەتكە وتىرعىزۋ راسىمىنە زاڭمەن تىيىم سالۋدى جوسپارلاپ وتىر.

 Guardian اگەنتتىگىنىڭ حابارلاۋىنشا، زاڭدى بۇزعان جاندار 5  جىلعا باس بوستاندىعىنان ايىرىلاتىن كورىنەدى.

سونداي- اق، سۇندەتكە وتىرعىزۋ ءراسىمىنىڭ قاجەت نەمەسە قاجەت ەمەستىگىن جاسوسپىرىمدەر «كەلىسىم جاسىنا» جەتكەسىن وزدەرى ايتاتىن بولماق. الايدا، «كەلىسىم جاسىنىڭ» قاي جاس ەكەندىگى دە ازىرگە اشىپ ايتىلماي وتىر.

بيلىك وكىلدەرى وزدەرىنىڭ بۇل تىيىمىن بالالاردىڭ قۇقىعىن قورعاۋ ماقساتىندا قولدانىپ وتىرعانىن ايتادى. ولار وسى ورايدا سۇندەتتەۋ ءراسىمىنىڭ كوبىنە ءۇي جاعدايىندا، جانسىزداندىراتىن ءدارىسىز جانە دارىگەرلەرسىز وتەتىن العا تارتادى.

 ەگەر اتالمىش زاڭ جوباسى قابىلدانىپ كەتەر بولسا، يسلانديا مۇسىلماندار مەن يەۆرەيلەر ءۇشىن ماڭىزدى سانالاتىن سۇندەتتەۋ راسىمىنە تىيىم سالعان ەۋروپا قۇرلىعىنداعى العاشقى مەملەكەت بولماق.

Muslim.kz