قازاقستاندىقتىڭ شري- لانكادا نە سەبەپتى كوز جۇمعانى انىقتالماي جاتىر -س ءى م

استانا. قازاقپارات - شري- لانكادا كوز جۇمعان قازاقستاندىقتىڭ ەلگە جەتكىزۋ شارالارى شەشىلۋدە. بۇل تۋرالى «قازاقپارات» ح ا ا- عا ق ر سىرتقى ىستەر مينيسترلىگى باسپا ءسوز قىزمەتىنىڭ باسشىسى ءانۋار جايناقوۆ حابارلادى.

«ءۇندىستانداعى ءبىزدىڭ ديپلوماتتارمەن بايلانىسقا شىقتىق. 15 - اقپاندا قازاقستاننىڭ ءۇندىستانداعى ەلشىلىگىنە 1993 - جىلعى قىزدىڭ بەلگىسىز سەبەپتەردەن كوز جۇمعاندىعى تۋرالى اقپارات كەلىپ ءتۇستى. ءبىزدىڭ ديپلوماتتار ونىڭ قوستاناي قالاسىنداعى اتا- اناسىمەن بايلانىسقا شىقتى. قاجەتتى كومەكتى كورسەتۋى ءۇشىن ەلشىلىك شري- لانكاداعى قازاقستاننىڭ قۇرمەتتى ەلشىسىن وقيعامەن حاباردار ەتتى»، - دەدى ءا. جايناقوۆ.

ونىڭ سوزىنە قاراعاندا، قازىرگى كەزدە ءمايىتتى قازاقستانعا جەتكىزۋ ماسەلەسى شەشىلۋدە.

«قىزدىڭ اتا- اناسىنىڭ ءوتىنىشى بويىنشا ءمايىت قازاقستانعا جەتكىزىلەدى. ال تاسىمالداۋ شىعىندارىن مارقۇممەن بىرگە ساپارلاعان تانىسى وزىنە الاتىندىعىن ايتتى. اتالعان ازاماتشا ساپار الدىندا ساقتاندىرىلعان. الايدا ساقتاندىرۋ كومپانياسى شىعىنداردى تولەي المايدى، سەبەبى سول ۋاقىتتا دارىگەرلەر قىزدىڭ نە سەبەپتى كوز جۇمعانىن انىقتاعان جوق. اناسىنىڭ تالاپ ەتۋى بويىنشا، ءمايىتتى زەرتتەۋ شارالارى كولومبو قالاسىندا ىسكە اسىرىلدى. بۇل ءراسىمدى جۇرگىزۋدىڭ قيىنشىلىقتارىن ەسكەرە وتىرىپ، زەرتتەۋ ناتيجەسى تەك 2-3 ايدان كەيىن عانا دايىن بولادى»، - دەدى ءانۋار جايناقوۆ.

بۇدان بۇرىن بۇقارالىق اقپارات قۇرالدارىندا قوستاناي وبلىسىنىڭ تۋماسى يرينا فيرسۋنينا مەن ونىڭ سۇيىكتىسى رەسەيلىك دەنيس سيدوروۆتىڭ شري- لانكاعا ساپارلاعانى، الايدا اتالعان جەردە يرينا ەسىنەن تانىپ، كەيىننەن بەلگىسىز سەبەپتەردەن كوز جۇمعانى حابارلانعان.

بەلگىلى بولعانداي، بىرنەشە جىل بۇرىن ي. فيرسۋنينا چەليابينسك قالاسىنا بارىپ، وسىندا جۇمىسقا ورنالاسقان ەكەن. وسى شاھاردا دەنيسا سيدوروۆپەن تانىسقان.

اۆتور: رۋسلان عابباسوۆ