ەرماحان ىبىرايىموۆ گولوۆكينگە قانداي كەڭەس بەردى

 استانا. قازاقپارات - سوچيدە وتكەن حالىقارالىق بوكس فورۋمى كەزىندە وليمپيادا چەمپيونى ەرماحان ىبىرايىموۆ ءوز شاكىرتى گەننادي گولوۆكينمەن كەزدەسىپ، الۆارەسكە قارسى الداعى جەكپە- جەككە قاتىستى ءوز اقىل- كەڭەسىن ايتتى، دەپ حابارلايدى قازاقپارات ءتىلشىسى.

«گەننادي سوچيگە امەريكادان ۇشىپ كەلدى. مەن الماتىدان باردىم. سول جەردە ەكەۋىمىز كەزدەستىك. مەن ونىمەن جاقسىلاپ تۇرىپ سويلەستىم. الۆارەسكە قارسى جەكپە- جەك بويىنشا ءوز اقىل- كەڭەسىمدى بەردىم. مەن ايتتىم، بەسىنشى راۋندقا دەيىن الۆارەستى جان- جاقتى زەرتتەپ الۋ قاجەت. ونىڭ ازىرلەپ قويعان قانداي ءادىس- تاسىلدەرى بار؟ سونىڭ ءبارىن زەرتتەپ شىعۋ قاجەت. وعان ءبىر راۋند جەتكىلىكسىز. ەكى راۋند تا از بولادى. بەس راۋند سەن ونى زەرتتەۋىڭ كەرەكسىڭ دەدىم. سوسىن ۇنەمى قىسىم جاساپ وتىرۋ قاجەت» ، - دەدى ە. ىبىرايىموۆ قازاقپارات تىلشىسىنە بەرگەن سۇحباتىندا.

ءوز سوزىندە ەرماحان ساعي ۇلى 2001-2004 -جىلدار ارالىعىندا گەننادي گولوۆكيننىڭ دايىندىعىنا اتسالىسقانىن دا ەسكە الدى. سول كەزدە GGG الەم چەمپيونى بولدى، وليمپيادانىڭ كۇمىس جۇلدەگەرى اتاندى.

«سوندىقتان مەن وعان كادىمگىدەي تاپسىرما بەردىم. الۆارەستى بارىنشا شارشاتۋ قاجەت. سودان كەيىن ايتتىم، ءوزىڭنىڭ قاتتى سوعاتىن وڭ قولىڭمەن كوپ ۇرا بەرمە دەدىم. ۇرعان سياقتى بولىپ، وڭ قولىڭدى كورسەتىپ، سول قولىڭمەن قاتتى سوققى جاساۋعا تىرىس دەپ كەڭەس بەردىم. سەبەبى گولوۆكيننىڭ سول قولمەن ۇراتىن دجەبى دە، حۋكى دا قاتتى. سوسىن جىلدامدىقتى كوبەيتۋ كەرەك. ويتكەنى العاشقى جەكپە- جەكتە گەننادي جىلدامدىق جاعىنان ءبىراز قالىپ قويىپ وتىردى» ، - دەپ اتاپ كورسەتتى ە. ىبىرايىموۆ.

 

اۆتور: ارمان اسقاروۆ